MATIUS 26:40 - PERJANJIAN BARU NALCA YUBA

⁴⁰ Seleb unu molobgogowok dara, Yesus ara on pik samal yeiniboka kemelemok enyek, alja winilya yuba doro diriga ban nang era, seleb hogunga mamekaʾ ak eibsuk. Anasa Yesus adya Petrus bek, ”Ugunda jama hnonok sibin anaba nab neikaʾ diri buknenggunusibya de?

MATIUS 26:40 Σταυροειδείς Αναφορές

MATIUS 25:5

Uka wesaʾ diniwoka bo diri ulumek bok, gela dobnamoknya bera mandewoka, men yangganaʾ orok adya, gelewa dara hogung ok uboka dibaʾ mabek.”

MATIUS 26:35

Wenyek Petrus bedya Yesus ak, ”Neyung, nara anab neikaʾ somoganasinimaʾ anaba, nadya anak dara, bera nara elgomnya benyaʾ aboka mekaʾ wenyhenggununggen!” hyok. Anya anyagan yuba doro diriga ban nanga nidyaʾ anaba al neik so leb ligiwek.

MATIUS 26:38

Dara Yesus adya alja yuba doro diriga ban nang ek, ”Nara ganya igina berewoka, engenaʾ ganya beibnelekanya, dib somoganamnaʾ anasoʾ anyek ubnel. Anasa, ugunda anyagan diri ulumunukanya, onoʾ nab neikaʾ diri ubnemab,” hyok.

MATIUS 26:41

Ugunda nimi sunulusilaʾ lomok sam malyinggumunuk aboka, diri bukoka sobaʾ mololelulum. Nimi ganya ak dara, unuwanesinya senen bok, nong ak dara, hmeng ulumla,” hyok.

MATIUS 26:43

Yesus ara an wenyaboka seleb molobgogowok dara, onok sam yeiniboka kemelemok enyek, alja yuba doro diriga ban nang era, hogung ok anasa seleb salyaʾ mamekaʾ ak eibuk.

MARKUS 14:37

Seleb dara, alda yuba doro diriga ban nang ek samawoka onok yalamok enyek, sik winilya dara, hogunga mamekaʾ ak eibsuk. Anasa Yesus ara Petrus bek, ”Simon o, anda hogung malalam de? Diri bun dara, jama hnonokaʾ anaba, okna de?

LUKAS 22:45

Seleb heng uboka molobgogowok dara, Yesus ara alja yuba doro diriga ban nang ek saaboka yok. Yeiniboka kemelesuk enyek, sikda ganya suguwoka angwei senen ganya bomekaʾ anasa, salyaʾ hogunga mamekaʾ ak eibsuk.

LUKAS 9:32

Ban salek era, Petrus beb alja hemyabo penya nang eb dara, hogunga mamek bok, onoʾ wene salek gaawoka bukumek dara, sikda Yesus ara senenggom migib senedyaʾ edya warak loboka, alda nimi penya nang eb seklemekaʾ ak eibek.