MATIUS 24:47 - PERJANJIAN BARU NALCA YUBA

⁴⁷ Wera anyek eiyiboka, wa damnya bedya dara, bojam uboka wa welelenya bek ara, alja yok-yok bonaʾ nidyaʾ bo ublulaʾ aboka benyek an eleganemlaʾ anyek, ugunda beklemnelum.

MATIUS 24:47 Σταυροειδείς Αναφορές

MATIUS 24:46

Dara, aljaʾ neyung be yanamla sum, ban wa oruga bililenya bera, wa pe welemlyaʾ anasa, dubnya bedya eiblya dara, wa welelenya bera perobaʾ dolul.

MATIUS 24:48

Bok wa wenya bera, yu hwam ok uboka, aljaʾ ganya lomok ab lebnesodya,

MATIUS 25:21

Dara wa damnya bera, an unumoknya wa pe bojam welemoknya bek an lebokaʾ ara, Anda hyak pewolum! Anda meknya neneba pe bojam welelamaʾ anasa, wera naubenya neneba or anak welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.”

MATIUS 25:23

Dara wa damnya bedya benyek an, Anda hyak pewolum. Anda nadya wa pe bojam uboka wenya bek ululam. Anda meknya nek bojam welelamaʾ anasa, wera nadya anak senenggomnya nek welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.

LUKAS 12:37

Wa wen nang enyek, sikjaʾ neyung be ek yanamnaʾ amba diri ulunabok, wera yalamla dara berra eillilemak nim era, hyak pelemakaʾ nong ara an. Ban lebnesinaʾ ara, wera ban wa dubnya bera meebgogowoka, alja wa wen nim ek buklulum aboka oruganasil dara, alda sikenek denaʾ youboka beiyiboka deb eleganesil.

LUKAS 12:44

Wera anasa wa damnya bedya dara, alja bonaʾ nidyaʾ ara benyek nidyaʾ bo ulululom aboka eleganamla. Anyek dib lebsin,” hyok.

LUKAS 19:17

Dara dubnya bedya unumoknya benyek an, Anda pewolum, anda hyak wa pe wenya ululam! Anda meknya nek pe bojam weboka unululamaʾ anasa, wera heika sagobadya hiboka dubnya sekiyiwanenggen, hyok.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

2 TIMOTIUS 2:12

Nunda pe ganya kaboka siklewoka ulumeibya dara, nunda eimik era, alab neikaʾ dub dangoka wenelemnemab. Nunda alak numba elgomnya alameibya dara, eimik era alba nuk anaba, nab elgom nimi henesil.

1 PETRUS 5:4

Anya senenggomaʾ imiknya nimi bo ulusilnya yanamla sum era, ugunuk ara senedyaʾ mekaʾ habnenggunumla bonaʾ enyek, senedyaʾ yakaʾ anyek eleganesil.

WAHYU 21:7

”Nimi malya unaʾ ak ab oblamaganalanya bera, ban lebnaʾ nidyaʾ eleganesinaʾ ara, dobnamla. Nara alja Imik Neyung danamna dara, alda nadya me danamla.

WAHYU 3:21

Nara malya unaʾ oblamagoka nadyaʾ neyung beb alja eklaʾ bunaʾ ak sam neikaʾ bulunuma sok, heknedya malya unaʾ ak ab oblamaganalanya bera, nadya bulumna ekla bunaʾ ak sam or neikaʾ buknenam aboka lebnamna.”