MATIUS 23:3 - PERJANJIAN BARU NALCA YUBA

³ Anasa wera sikja yuba lelemakaʾ ara pe keboka nidyaʾ unulumnulum bok, sikja unulumak ununaʾ nong era, sikja yuba lelemakaʾ sunuwoka ununggulumakaʾ anasa, ugunda sikja diligaʾ donaʾ ara mem.

MATIUS 23:3 Σταυροειδείς Αναφορές

MATIUS 21:30

Dara, sikja neyung bera onoʾ weibsa me nek biniboka, al onsok orugok. Wenyek me nera, Neyung, perob, wera or wel binimna, hyokjok, eimik era lek aboka lobok.

MATIUS 23:2

”Imik Neyung yuba lesinaʾ gak nang eb Parisi nang eb dara, momnya domok yuba damok enesa unuwok aboka yana lelen damba Musa bek lunuwek.

MATIUS 23:4

Sikda iginnya nenyek, nimi yok nim ek bol dilimak bok, sikja dara, uruma anaba mekaʾ donaʾ orok.

RASUL 5:29

Bok Petrus beb, onoʾ yok yuba lenaʾ gak nang eb dadya dara, ”Nunda nuk dara, nim adya le, Imik Neyung adya le, lelemaknya nera, Imik Neyung aljinya nok kelemnamab.

ROMA 13:1

Imik Neyung bek ab gom mok soko dub nang era hnon unggulumak anasa, nimi yok-yok aljaʾ imik uboka wa bolomak mok soko dub nang ek ara hyak pe kelelulum. Dara an wen ulumak mok soko dub nang era, Imik Neyung adya memewoka sekeldilisil.

2 TIMOTIUS 3:5

Nim adya eilin dara, sikda yuba doboka pe unulumak nimi senen bok, sikda ganya migib dibaʾ ak dogom aboka lolomak. Ban unulumak nim enyek ara, anda mok nenebdangoka ululom.

TITUS 1:16

Sikda sondaʾ anasa nunda Imik Neyung ak ella ulumab alamak bok, sikja unulumakaʾ adya, ella ulumab anaʾ ak sonda nenelemak. Sikda omoma dablesil nim ulumak. Sikda yub ak ganya dib oloknaʾ ara lek senelemak nim ulumak. Sikda perobnya nemba dara, pe ununaʾ ara unuwanggunuseng nim ek anara ulumak.