MATIUS 20:31 - PERJANJIAN BARU NALCA YUBA

³¹ Anasa, nimi nauba anyagan longomek nim edya dara, sikenek yuba gelegorurum aboka ebngaleklesik bok, sikda, ”Neyung o, Daud bedya me o, nuk angoo yadyek senewoka araweisiya e!” aboka hyak yeiriwoka lelerek.

MATIUS 20:31 Σταυροειδείς Αναφορές

MATIUS 15:23

Yesus adya dara, gel genyek ara yuba mekaʾ saaboka sab eleganggumok. Anasa Yesus yuba doro diriga ban nang edya Yesus ak, ”Wenelesilimnya o, ban gel gera nuk yuba mandebnaʾ amba lero yabalamlaʾ anasa, bilom helom,” aboka molol yek.

MATIUS 19:13

Nimi sikja mabo Yesus adya soruk diyiboka, heng uboka Imik Neyung ak molowosululaʾ aboka bo yeilimek. Bok Yesus adya yuba doro diriga ban nim edya, memabo bo yeilimek nim ek wabsik.

MATIUS 20:30

Dara heng lum nang penya pikek sam bulurek. Sik penya nang edya wera Yesus ara pik enyek an uboka yabalamla an yuba kerek dara, sikja, ”Daud bedya me o, nuk angoo yadyek senewoka araweisiya e!” aboka yeiriwoka lelerek.

MATIUS 20:32

Dara Yesus ara balamokaʾ ara sek loboka, sikenek ok an, ”Yoururum,” husuukanya, ”Ugunja dara, hekaʾ ak hubsulul senerum do?” wenyaboka heibsuk.

MATIUS 9:27

Wera onoʾ Yesus ara anyaganyebaʾ goboka bok dara, nimi penya heng lum nang moumenaʾ eimik dobdo birik. Dara penya nang enedya dara, ”Wei, Daud mamnya o, nuk angoo yadyek senewoka araweisiya!” aboka lebdek.

LUKAS 18:39

Men mengemek nim edya dara, benyek nauba waboka yuba sanaʾ gelegalom aboka lelemek. Bok henga lumnya bedya dara, hyak nauba bii aboka, ”Daud bedya me o! Angoo nak yadyek senewanelom e!” aboka lelemok.

KOLOSE 4:2

Heng uboka molonaʾ ak dara, bojam ulmoublululum. Anya, perob aboka giblemunukanya, pe diri uldalalalulum.

1 TESALONIKA 5:17

Sob-sobaʾ molololulum.