MATIUS 15:9 - PERJANJIAN BARU NALCA YUBA

⁹ Nak ara salyaʾ giblenyak, sikja neklesak yub era nim adya yub ek neklesakjok, nadya yub ek lero neknenggulusak, aro momnya dobokaʾ ara dib lebok,” hyok.

MATIUS 15:9 Σταυροειδείς Αναφορές

MATIUS 15:10

Dara onoʾ Yesus adya nimi nauba ak yoululum aboka sikenek lebnesukaʾ ara, ”Ugunda pe ella danalum aboka kebnelum!

MARKUS 7:7

Sikda nim adya ununaʾ enyek, nadya yub enesoʾ anyek, nekeldalamakaʾ anasa, nak ara salyaʾ lelem giblenyak an, wenyhesuk,” wenyaboka lebok.

1 KORINTUS 15:2

Ugunda yuba lebok ara, anyek senewoka dib senenaʾ orok danyek hnonok. Onoʾ nadya pe men leb elegesisa Imik Neyung yub ek pe salabmowoka ulumun dara, Imik Neyung yub enedya ugun nonga blebnesil.

1 TIMOTIUS 1:4

Salyaʾ malya hwam deng anyek maro lolomla yub ek ganya we bulumakaʾ hnon, youmaʾ morublinaʾ nim ek yana lelewoka unuwok aboka neklamnaʾ anyek, kero bulumak nim ek unululumaʾ ara mem, alalom. Ban nidyaʾ ara mal damok lanalamlaʾ ak anasa, Imik Neyung adya alak dib senewanaʾ anasa eleklesilaʾ anyek sunuwoka ununggulumakaʾ anasa, mem henelam.

TITUS 1:14

Anya hnonda Yahudi nim edyaʾ youmaʾ neknaʾ gom, dib nong yub ek lek aboka ulumak nim edya yub ek an dib salabmoubijek anasa, anja pe neklesilom.

IBRANI 13:9

Wera ugunda yok beiyik sam ab neknaʾ edya ganya bob neneweisilyek mem. Dara perobnya nera ban, ugunja ganya era wanaʾ uboka eleksinaʾ edya migibaʾ geblesilaʾ anyek hnonok. Alda ban yok-yok denaʾ edya sik ban denaʾ enesa lelemlaʾ sunuwoka gigiwoka delemak nim ek perobaʾ nenenggulusilaʾ anegom.

YAKOBUS 2:20

Ugunda hyak dongdang anaʾ hwam nim ek ululum! Ugunja dara nimi yuba dib senenaʾ orokjok, pe ununaʾ ok unulumak anyek nuk aaweisiseng senelelum de?

WAHYU 22:18

Dara, nara Yohanes bedya, nimi nidyaʾ ban buku enyek an, ununumnaʾ leboka momnya dobokaʾ ak kebnemak nim era, nadya lebnesinaʾ banyek keblulum: Heknedya ban unuwanamna aboka lebok yub enyek, nauba nenewoka maknamla dara, Imik Neyung anaba albabya, ban buku enyek an, malya nenewanesin aboka momnya dobok yub edya malya nenenaʾ ara, alba diriganamla.