MATIUS 13:45 - PERJANJIAN BARU NALCA YUBA

⁴⁵ ”Imik Neyung adya wenelemnesilaʾ ara, hogung ara banasoʾ ak ulumlaʾ ara: Bonaʾ nauba deklelanya bera, hyak perob meilika deknamna senewoka elemla.

MATIUS 13:45 Σταυροειδείς Αναφορές

MATIUS 13:24

Wera onoʾ Yesus adya yok sununaʾ hnon nimi nauba longol yeilimek nim ek nekoka lebsukaʾ ara, ”Imik Neyung adya wenelemnesilaʾ ara, hogung ara banaso ulumlaʾ ara, nimi ben hnon alja wak sam perob yinaʾ yamamok.

MATIUS 13:46

Dara, elemnaʾ ara, wera hyak perob nong meilik enyek eib lobna dara, bera alja ek biniboka, alja bonaʾ nidyaʾ e gekman dekna dara, dekna rupiah enedya eiblomna meilik era deklamla,” hyok.

MATIUS 16:26

Nimi ben hnon sokok ulumlaʾ nidyaʾ ara, nadyaʾ aboka dobnamso bok, aljaʾ nonga weiningganamso dara, alak ara hekaʾ perob danamso do? Goma, nim alja nong unaʾ amba hekaʾ ak amamaʾ ubnamso do?

MATIUS 22:5

Bok yub en beiyisuk nim edya danyek, yanamab senewanggumek. Sikda nidyaʾ ara sikja wa ganya dokol bilimek. Hnon nim era sikja wak sam bilimek, hnon nim era sikjaʾ bonaʾ memelamla ak sam wel bilimek.

MATIUS 7:6

”Gam adya anak saaboka saboka obgelyek anasa, yokaʾ-yokaʾ hyak perobaʾ ara, gam ak eleknenggom, mem. Pam adya meilik ara yan ingib saboka malya nenewalyek anasa, pam ak eleknenggom, mem,” hyok.