LUKAS 9:48 - PERJANJIAN BARU NALCA YUBA

⁴⁸ Anya onoʾ sikenek, ”Heknedya nadya si, nasamba leboka banaso me nenyek dolomla dara, alda nak dolonel. Wera nak dolonelnya bera, alda na bokol yeilinyoknya bek dolomla. Anasa wera, ugun gangganek anyek hyak mek sonya ululanya benyek alda senenggom so ulumla,” hyok.

LUKAS 9:48 Σταυροειδείς Αναφορές

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MATIUS 18:14

Anasonya neikek, nadya neyung be imik heikek ululanya bedya dara, nimi nidyaʾ nak an wenyek dib senelenyak nim era mek nim bok, hnon weiningdeijek senelamla,” hyok.

MATIUS 19:28

Wenyek Yesus adya sikenek, ”Ugunda hyak dib senewanalum: Imik Neyung bedya heikek ara, nimi dibaʾ me nera, alak imik nenemlyaʾ adya hyak perob nang ekla bunaʾ ak buknamla. Ban sum enyek, ugunda nadya yubaʾ donaʾ dibaʾ ululum nim era, senenggom obadya nang yilaʾ bun ekla bunaʾ ak sam bukoka, obadya Israeli nang yilaʾ ak yana lelelemnelum.

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

MATIUS 25:45

Wenyhenemak enyek, dubnya bedya sikenek lebnamlaʾ ara, Ugunuk dib lebsin, Ugunda ban unu hyak bonaʾ garan nim ek aranggululumaʾ ara, wera nera nak aranggululumaʾ ara an, wenyhenesil.

MARKUS 9:37

”Anasa heknedya nasamba leboka, ban eneso me nenyek perobaʾ leboka dolomla dara, wera alda nak dolonel. Anya onoʾ heknedya nak dolonel dara, alda nak donggulunel bok, alda nak bokol yeilinyoknya bek dolomla,” hyok.

LUKAS 10:16

Anya Yesus ara alja yuba doro diriga ban nang ek, ”Nim ugunja yuba kelesak nim era, sikda nadya yub ek kelenyak. Alda ugunuk lek alasak nim era, sikda nak lek alanyak. Anya wera, nak lek alanyak nim era, sikda nadyaʾ neyung be na bokol yeilinyoknya bek, lek alamak,” hyok.

LUKAS 14:11

Anasa, nim adya imik neneldalalanya bera, eimik sokok nenewanamla, bok sokok neneldalalanya bera, alak eimik era imik nenewanamla,” hyok.

LUKAS 22:26

Bok ugunuk dara, anaso ununaʾ ara hyak mem. Alda ugunda ban nenyek unulululum, alda wenyek ugun gangganek sam senenggom nanga dangoka ulumak nang era, mek sirikaʾ anaso dangoka ulunok; alda wen nauba dangoka ulumak nang era, wa oruknaʾ nang eneso ulunok.

LUKAS 22:30

Anedya wera, nara mok soko dubnya danamna sum era, ugunda nablaboka neikaʾ ganya eiya daboka ulumnemab. Anya ugunda obadya senenggom nang ekla bunaʾ ak bukoka, onoʾ obadya nang nimi yilaʾ yana lelemnesulum,” hyok.

LUKAS 7:28

Nara ugunuk wenyhenesin anyek beknelum, Nimi gelewa adya nidyaʾ sokok an beillilimakaʾ ulumak nim era, Yohanes bek senenggomnya ulumla sokaʾ ara, hnon mekaʾ alsonya bera hnon unggulumek. Bok, alda nim Imik Neyung wenesin heikek ara, hyak mekaʾ anyek ululanya benyek ara, Yohanes bera mek so bok, alak danyek senenggomnya bek ulumla,” hyok.

YOHANES 13:20

Ugunuk wenyhesinya nera dib nongaʾ lebsin, heknedya nadya boklenanya bek doboka dililamla dara, alda nak doro dililenel. Heknedya nak doro dililenel dara, alda nak bokol yeilinyoknya bek doro dililamla,” hyok.

YOHANES 14:21

”Heknedya nadya oruklesin yub ek salawoka unululanya bera, nak wanaʾ ulunelnya bera alan. Dara, nak wanaʾ ulunelnya bek, nadyaʾ neyung bedya alak wanaʾ ulumnamlakanya, nababya alak wanaʾ uboka nadya nong alak aawanamna,” hyok.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.

1 PETRUS 5:6

Anasa wera, Imik Neyung adyaʾ migib soruk dam ak sam ganya sokok nenebdangoka ulululum. Dara, imik nenewanasil sum era, ugunda imik nenewanasil.

WAHYU 21:14

Anya, heik en egomnaʾ ikokaʾ ara, obadya senenggomaʾ ikoka sobookanya, domba me adya nim obadya nang yuba lenaʾ gak nang, sikja si nera anyagan momnya dobok.

WAHYU 3:21

Nara malya unaʾ oblamagoka nadyaʾ neyung beb alja eklaʾ bunaʾ ak sam neikaʾ bulunuma sok, heknedya malya unaʾ ak ab oblamaganalanya bera, nadya bulumna ekla bunaʾ ak sam or neikaʾ buknenam aboka lebnamna.”