LUKAS 9:47 - PERJANJIAN BARU NALCA YUBA

⁴⁷ Yesus adya sikja ban wen senen ganya bomekaʾ ak eibsuk dara, alda me hnon doboka aljaʾ saramek sam sekiyiwok.

LUKAS 9:47 Σταυροειδείς Αναφορές

MATIUS 12:15

Yesus ara Parisi nim edya obnenyak hogunga seleb ella ubok. Anasa alda anyagan anyebaʾ ara loboka bok dara, nimi nauba alab neikaʾ balamek. Dara nimi neiklemeknya nera nidyaʾ hwebsuk.

MATIUS 9:4

Yesus ara sikja ganya seininaʾ era seleb ella ubsuk dara sikenek, ”Ugunda hekasa malya ganya ek seinilelum do?

LUKAS 5:22

Wenyaboka Yesus adya sikja seinimekaʾ ara, seleb ella ubsuk dara, ”Ugunda hekasa ugunja ganya lomok an heildalalum do?

YOHANES 16:30

Anda yokaʾ-yokaʾ nidyaʾ ella ululamakanya, yok nim edya anak yokaʾ-yokaʾ amba leboka salyaʾ heibnenggununggeseng, ara wen ella ulenjab. Anasa, nunja dara, anda Imik Neyung ak ab yeililumaʾ ara, ban adya dib senelenjab,” hyek.

YOHANES 2:25

Yesus ak dara, alda hyak nimi ganya ak orowek ella ulusilnya bek anasa, nim adya bera ban anaso ulumla aboka, nak neknenok senewanggumok.

YOHANES 21:17

Dara, Yesus adya Petrus bek, alja onsok saaboka neiknya nenyek li winilinya sum, ”Anda Simon Yohanes mamnya, nak nauba wanaʾ ulunelem de?” aboka heibuk dara, wera Petrus bedya ganya angoo senewoka, Yesus ak, ”Wenelesilimnya o, anda yokaʾ-yokaʾ nidyaʾ ella ululamaʾ anasa, wera anasa, nadya anak nauba wanaʾ ulunggenaʾ ara anda ella ululam,” hyok dara, Yesus adya onoʾ Petrus bek, ”Wera anasa, nadya domba pam enyek pe geregoka bo ulunelom,” hyok.

1 KORINTUS 14:20

Nadya hemyabo nim o, ugunda mek mabo ganya seininaʾ anyek seininggom, mem. Yu ganya boboka malya unaʾ ak sam ak dara, mek moum den mab eneso ulululum. Bok, ganya seininaʾ ak sam ara, ganya kamna nim eneso ulululum.

IBRANI 4:13

Imik Neyung adya henga kemenaʾ ak ab dara, yokaʾ nidyaʾ hnon goʾ pe doknowamenggom. Alda yana lelewanasil dara, nara anasa unumsa aboka laga lebnemabnya bek, yokaʾ-yokaʾ nidyaʾ ara, nong baneng laga ok ulumla.

WAHYU 2:23

Anya gel genedya mab era, dengaboka obnamna. Anya, yuba donaʾ nimi nidyaʾ ara, nara nimi nong lomok ab ganya lomok eboka eillilesinya bek ulumnaʾ ara, ella danamak. Anasa leboka, ugunja nidyaʾ unululum sok sunuwoka ugumba deknesin.”