LUKAS 9:44 - PERJANJIAN BARU NALCA YUBA

⁴⁴ ”Ban nadya lebnamna yub enyek, ugunda hiliknaʾ loboka pe bekmoubnelum, Nimi dibaʾ me ara eimik doboka nimi migib lomok eleganamak,” hyok.

LUKAS 9:44 Σταυροειδείς Αναφορές

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

MATIUS 26:2

”Li penya sum ublya dara, welenaʾ orok roti gwanenga den sum danamlaʾ ara, ella ululum. Anya nimi dibaʾ me nera oboka gal ak glabnokaʾ aboka doboka eleganemak!” hyok.

MARKUS 8:31

Nen seleb dara, Yesus ara alja yuba doro diriga ban nang ek, ”Nimi dibaʾ me nera hyak nauba oka deregoka gweknamla. Anya Yahudi dub nang eb, yuba wa gakaʾ dub nang eb, yuba neksin nang eb dadya, alak malya gebija dara, dibaʾ obnemak, bok winilinya sum era embengaʾ suboka buknamla,” aboka neksuk.

LUKAS 1:66

Dara nimi nidyaʾ ban unuwal an yuba kemek nim edya dara, ”Wenelesilnya bedya alja soruk alak aralemokaʾ anasa, eimik era hekaʾ danamla me do?” aboka unu seiniwoka heibdangdo balamek.

LUKAS 18:31

Yesus ara alja yuba doro diriga ban nang ek sikbeyokaʾ ak mamagiyiwoka lebsukaʾ ara, ”Ugunda pe keblulum! Nunda wenera Yerusalem heikek balamab. Dara, Yerusalem heikek ab dara, ununumnaʾ lelemek nang edya nimi dibaʾ me nemba leboka momnya dorobaʾ nidyaʾ ara, gigiwoka unuwanamla.

LUKAS 2:19

Bok Maria gek dara, ban nidyaʾ wenyamekaʾ anyek, ganya lomok boboka, seiniro ulumok.

LUKAS 2:51

Wera alda, alja neyung genong ab neikaʾ Nazaret heikek byik. Dara Yesus ara sikjaʾ gangganek ab pe ulumok. Bok ban nidyaʾ unulumoknya nera, alja genong gera ganya lomok sam pe seiniwoka bo ulumok.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

LUKAS 9:22

Anya Yesus ara lebokja, ”Nimi dibaʾ me ara, nauba gweknamlaʾ ara, Yahudi dub nang eb, Imik Neyung yuba wa gakaʾ dub nang eb, yuba neksin nang eb dadya, malya nenewanamak. Alda hyakaʾ obnemak bok, winilinya sum yenewalya dara, onoʾ embengaʾ subnamla,” hyok.

YOHANES 16:31

Dara Yesus adya sikenek, ”Wera, ugunda dib senelum de?

YOHANES 16:4

Eimik ubnamla sum era, al orowek nekesukaʾ ara, seiniwanalum aboka, ban lebsin. Men salek era, nara ugunuk neikaʾ ulumoubaʾ anasa, ban yuba neknenggusisa.

YOHANES 19:11

Dara, Yesus adya Pilatus bek, ”Imik Neyung adya unun migibaʾ, neyung anak elekgenaʾ orok dara, wera, neyung anda yokaʾ-yokaʾ salyaʾ ganya doboka unuwanggunusom. Anasa, neyung o, anak gom, alda nak oblulum aboka yuba diyinelnya benyek, alja malya unaʾ era hyak senenggomaʾ ulumla,” hyok.

RASUL 2:23

Imik Neyung adya al orowek ella unuboka unuwonun senewoka seinimok sok, alja me Yesus ara ugunuk seleb elek losuk. Dara, ugunda malya nang ak elegoka, sikda alak doboka galak glabekaʾ adya, ugunda alak olum.

IBRANI 2:1

Wera anasa, nunja kemoubaʾ anyek, mek-mekaʾ uboka mok danggiga bibyek anasa, nunja seleb keboka domoubaʾ ak ara, hyak pe salabmouboka ulumnemab.