LUKAS 9:3 - PERJANJIAN BARU NALCA YUBA

³ Onoʾ sikenek lebsukaʾ ara, ”Ugunda pikek binilumaʾ amba dara, yokaʾ-yokaʾ bonaʾ ara mem. Ugunda gamaʾ dungunaʾ bobnenggunulum, dem gloʾ aklenga salyaʾ bonaʾ ab, denaʾ gom, rupiah gom, ongon aklenga penya so bonaʾ ara mem.

LUKAS 9:3 Σταυροειδείς Αναφορές

MARKUS 6:7

Wera Yesus adya alja yuba doro diriga ban nang obadya nang ek yoululum hyookanya, nimi penya-penya darawoka boksuk. Dara, bisaʾ yaknaʾ amba migibaʾ hnon sikenek elegosuk.

LUKAS 12:22

Dara onoʾ Yesus ara alja yuba doro diriga ban nang ek, ”Ban nenesa nadya lelesinaʾ ara, Ugunja nong unaʾ enesa leboka ganya daldom-daldom aboka youmburaʾ debnaʾ ara, mem. Nunda hekaʾ denemab gom, hek akleng ongowanamab do aboka youmburaʾ debnenggom, mem.

LUKAS 12:28

Holaʾ ara sumen enesoʾ ara, youruwanaʾ ara, ampum dan dara, dengaboka uka dalamak. Ban unulumakaʾ anaba, Imik Neyung adya anaso hyak perob esaʾ era, ongon akleng eneso eleklesil. Ugunuk dara, hyak wanok! Bok ugunda mek ok dib senelelum!

LUKAS 22:35

Wenyabgogowok dara, onoʾ hnon sikenek, ”Nara yuba lel binilum aboka bokosisa sum era, nadya rupiah bonaʾ ab, akleng gom, yan ongonaʾ gom, bo banggom asisa dara, ugunuk ara yokaʾ-yokaʾ hnon, or bukulum de?” aboka heibsuk. Sikja dara, ”Orok, neyung hnon unuwanggumouba,” hyek.

LUKAS 3:11

Danyek alja sikenek lebokaʾ ara, ”Anasa heknedya ongon akleng penya ululanya bera, yoknya ongon aklenga oroknya bek bokoka, hnonda eleklelul. Anya onoʾ heknyek denaʾ yak ululanya bera, yoknya oroknya bek al neikso unululul,” hyok.

LUKAS 5:29

Dara alda Yesus ab neikaʾ denenam aboka, alja ek denaʾ youlomok. Rupiah molowoka dolosik nang gong eb, nimi nauba yok nim eb neikaʾ bukoka delemek.

LUKAS 9:4

Dara anyagan nublaboka neikaʾ ulumnemab henesak ek an ulumunaʾ ara, wera onoʾ e nenyek anyebaʾ ara binilum.

2 TIMOTIUS 2:4

Nimi mala naklenanya bera, alda anam oldalamna salek era, mal gakaʾanya bedya perob senewonulul senewoka yeiriwoka naklamnakanya, alja wa yokaʾ ak ara wel yabenggulumla.