LUKAS 8:44 - PERJANJIAN BARU NALCA YUBA

⁴⁴ Wera gel gera Yesus balamok pik eimik dib dobol yeiniboka, Yesus adya ongomok akleng mousa ek mekaʾ soruka bebegemok. Dara al wene sab-sab enyek, neik ek dangamokaʾ ara, gobdo dengaro lobok.

LUKAS 8:44 Σταυροειδείς Αναφορές

MATIUS 20:34

Anasa, Yesus ara sikenek angoo yadyek senewoka, sikja heng era soruka salawosuk enyek, al wene salek enyek, sikja heng era eikaʾ darek. Dara sikda Yesus ak diriga birik.

MATIUS 8:3

Dara Yesus adya benyek salawoka lebokaʾ ara, ”Nara or senewan. Anasa bokaʾ or dobgolul e!” hyok. Dara wene sab-sab gororomaʾ delemokaʾ ara dengaro lobok.

MATIUS 9:20

Wera pikek anam balamek salek, gela hnon neik ek dangamok salek era, gibnaʾ obadya lemok gel gek Yesus adyaʾ weilik berem oka yookanya, alja akleng ak mekaʾ salawok. Wera gel genedya dara, ”Nara Yesus adyaʾ akleng ek mekaʾ ok bebeganamnaʾ anaba merewanamna,” senewoka seiniwok.

MARKUS 6:56

Wera Yesus ulumnaʾ ak ara, or nauba heikek gom, mek heikek gom, nimi nauba sobaʾ neiklamna nanga beʾ gologoka, jaboka heik gasaʾ ak bo beillil yalamek. Anya, sikda Yesus adya akleng ek mekaʾ soruk dem adya bebeganobaʾ aboka dublemek. Dara, nimi Yesus adya akleng ek soruka bebegan nim era, nidyaʾ gobdo merelemek.

LUKAS 13:13

Dara Yesus adya gel genyek soruka dibok dara, wene salek enyek, gel gera jongaʾ sekoka, Imik Neyung ak giblemok.

LUKAS 7:38

Wera gel gera Yesus delemok ak sam alda weilik sekoka, engenaʾ gadyaʾ eboka, alja heng mekaʾ era Yesus adyaʾ yan sangak sam niniwoka, Yesus adya yan ak ara, alja hong edya heng mekaʾ luboka, giboka, perob ngiknaʾ mek era an yanek an yek golumok.

LUKAS 8:43

Dara, neik ek dangamok gela hnon, gibnaʾ obadya lemok gel ge hnon ulumok. Gel gera nimi hwesinaʾ nim ek hwebnenokaʾ aboka, bonaʾ yokaʾ-yokaʾ ara gobdo dengaromok bok, hyak alak gobdo pika garawoka hwebnenggumek.

LUKAS 8:45

Wenyek Yesus ara, ”Heknedya nak bebegenel do?” aboka heibsuk. Dara nimi nidyaʾ ara hnon laga lebnenggubek. Anasa Petrus bedya Yesus ak, ”Neyung o, an ululamaʾ ak ara, nimi mandebnaʾ hyak nauba ulumaakanya, sikda anak dukaʾ eboka ol gokoldalamak ara eiyilam,” hyok.

YOHANES 5:13

Bok, Yesus ara seleb nimi hnoum dan dengamok bok adya, wera heknedya hwenel do aboka ganya emok.

RASUL 19:12

Dara anedya, soruk lubuldanaʾ gom, saramek noroldanaʾ akleng gom, Paulus bedya ongolamnaʾ beiblomna anyek doboka, neiknaʾ salamna nang ek bo yeilimek dara, sikda meremeekanya, bisaʾ gologosinaʾ ara goboka dengaboka baldolomek.

RASUL 5:15

Dara, yokaʾ-yokaʾ hyak senenggomaʾ anaba dib dangalamok wek adya, nimi neiklamna nim era ekla manaʾ ak dubuk gom, esonaʾ yanganaʾ ak gom, mayiwoka pikik nimi yabalamna ak bo beil balamek. Wera, Petrus be yabelya dara, alja ganya yamaʾ edya hnon nim ek dara, bebegeisilya dara, merewanok senewoka unulumek.