LUKAS 8:41 - PERJANJIAN BARU NALCA YUBA

⁴¹ Dara heik enyek an, Yahudi nim edya yuba don e damnya bera Yesus ak yok. Bera alja si nera Yairus. Alda Yesus adyaʾ saram nong ok yeiniboka komo lumugoka giboka, nadya ek yanalam aboka molol yok.

LUKAS 8:41 Σταυροειδείς Αναφορές

LUKAS 13:14

Dara Imik Neyung e damnya bedya dara, Yesus ara Sabat mem sum nimi hwemokaʾ anasa, alja dara hyak nauba waboka yok nim ek, ”Lika hnabbadya dara wa wen sum era an, nimi hwebnenyak aboka dara sum enyek yanalum. Minggu sum era hyak mem!” hyok.

LUKAS 17:16

Dara Yesus saram nong ok hogung dib malyingginiboka, Yesus ak perob aboka gimok. (Ban unuwoknya bera Samarianya bedya unumok.)

LUKAS 5:8

Simon bera, anyek unumokaʾ ak eiyiboka, Yesus adyaʾ saramek koma lumugoka giboka, ”Wenelesilimnya o, nara malya unaʾanya ulumnaʾ anasa, nak anyeb lo bilom,” hyok.

LUKAS 8:42

Nera alja gelma gibnaʾ ara obadya lemok gelma enyek, somogonunaʾ aboka ul yabokaʾ anasa el yok. Dara Yesus ara ek sam bununaʾ aboka, anam pikek balamok dara, nimi nauba darasam-darasam abaʾ ara, Yesus nong ak ol goklemek.

LUKAS 8:49

Wera Yesus ara anam yuba salamok sab-sab, Yairus bedyaʾ ek ab oruknaʾanya ben hnon yeiniboka, Yairus bek, ”Neyung o, anja gelma era, seleb somogal. Anasa neyung, neklesilnya bek lobaʾ nenenggom, mem,” hyok.

YOHANES 11:21

Dara, Marta gedya Yesus ak, ”Wenelesilimnya o, anda anyagan ulusom dara, nadyaʾ dong Lazarus bera somoganggunusobok, anak anyagan unaʾ orok adya seleb somogok.

RASUL 13:15

Dara, Imik Neyung e nenyek an yuba donaʾ dub nang edya, Musa bedya unuwanalum an yub eb, ununumnaʾ lelemek nang edya lemek yub eb, einimekaʾ seleb dara, anyagan Imik Neyung e dam nang edya Paulus bek alja hemyab eb dak, ”Wera ugunda ganya gwelelek an yuba hnon ulumlya dara, or an longowak nang ek an wenewanasurum,” aboka molomek.

RASUL 18:17

Dara wenyek, sikja Imik Neyung e damnya Sostenes bek salawoka yana lelesinaʾ saramek ab olomek. Bok Galio bedya, nera alba eibnenggumla de senen dogom aboka ulumok.

RASUL 18:8

Dara, Imik Neyung e damnya Krispus bera, alja mabo gelewa nidyaʾ ab, Wenelesilnya bek dib senewoka domek. Dara, nimi nauba Korintus nang eneba yuba keboka dib senewoka yuba dolomek dara, sikbabya meka dasik.

RASUL 9:38

Yope heikek ara, Lida heik ab dara, hyak oka, mok gom anasa, Yesus yuba doboka Lida heikek ulumek nang edya Petrus bera Yope heikek ulumla an yuba kemek dara, ban wenyaboka e yorurum aboka, ”Men hyak berra aboka yalom,” aboka el bururum aboka penya nang orugusik.

WAHYU 5:8

Ban unu dol yabok dara, an dombadya gamyakaʾ eb, domdaraʾ badya nonga kaboka wa borob nang eb dara, al saramek hogung oumub ligiwek. Dara, sikda yok-yok benggong hnonok, emas mek hmeiya hnonok, gen-gen song meklaʾ adyok deknemokaʾ anyek salawek. Anera munaʾ Imik Neyung mab adya molonaʾ era an.