LUKAS 8:22 - PERJANJIAN BARU NALCA YUBA

²² Dara onoʾ yok sum enyek, Yesus ab alja yuba doro diriga ban nang eb dara, mek ekla bunaʾ ak bukumek dara, Yesus adya sikenek, ”Nunda meka gouboka eer sam gemek binimabaʾ anasa, yoululum,” husuk. Dara sikda lanawoka buku balamek.

LUKAS 8:22 Σταυροειδείς Αναφορές

MATIUS 14:22

Seleb debgogowek sab-sab, Yesus ara alja yuba doro diriga ban nang ek, ugunda mek ekla bunaʾ welewoka men balalulum aboka orugosuk dara, alda gwaneng deb elegosuk nimi mandebnaʾ era, ugunja heikek sam balalulum aboka orugosuk.

MATIUS 8:18

Nimi hyak nauba Yesus ulumokaʾ ak ara ulumek. Wera Yesus adya nimi mandebnaʾ enyek eibuk dara, alja yuba doro diriga ban nang ek mek gek eer sam binimab aboka orugosuk.

MARKUS 5:21

Dara onoʾ Yesus ara, saaboka bilimok pik mek gemek sam yok dara, wera anyagan ara, al dam nimi nauba longowoka, aknel ganagal yeilimek. Dara, alda mek gemek ubok salek,

MARKUS 6:45

Dara Yesus, alja yuba doro diriga ban nang ek, giliwoka bolong sok, ugunda men meka garawoka Betsaida heikek balalulum wenyaboka orugosuk. Onoʾ nimi nauba longol yeilimek nim ek, ugumba or balamnelum aboka lebok.

MARKUS 8:13

Dara alda sikda anyagan loboka, mek ekla bunaʾ bukoka, yok gek sam byuk.

LUKAS 5:1

Dara onoʾ yok sum enyek, Yesus ara Genesaret mek gwan gek sam biniboka sekemok. Dara, nimi nauba Imik Neyung yuba kebnobaʾ aboka al nong ok sam obgokdangoka yalamek.

LUKAS 8:23

Wera sikda anam mek hnoumunga buka balameekanya, Yesus ara seʾ hogunga mamok. Dara mek dubuk sam senenggom kaboʾ dorogookanya, wera sik bukumek mek ekla bunaʾ era meka wekoka sikda hyak nidyaʾ obsununaʾ aboka ul yabasuk.

LUKAS 8:33

Dara wera bisaʾ gong era, gologomeknya bek ab gouboka, pam pik wekel byik. Dara pam dara, yeiriwoka mok soko abom pik abaʾ ara langa diniwoka, mek gwanek sam youruwoka somokdo byik.

YOHANES 6:1

Ban unumokaʾ seleb dara, Yesus ara onoʾ saaboka Galilea mek ara neik mek bok, Tiberias aboka si silimek mek gwanek sam eer bilimok.

RASUL 27:2

Dara, nunda Adramitium heik ab yok mek ekla bunaʾ ek, Asia sokok mek gemek ulumek heikek bununaʾ aboka umok mek ekla bunaʾ ek bukuka lanawoka bilimouba.