LUKAS 7:9 - PERJANJIAN BARU NALCA YUBA

⁹ Dara Yesus ara ban wenyan yub enyek kebok dara, hyak loka dabok. Anasa Yesus ara alak diriga yalamek nang ek keeboka wenyhusuk, ”Nara ban benyek na lokja, Israeli nimi gangganek ara, ban unuwoka dib senenanya nera hnon mekaʾ eilinggulumna,” hyok.

LUKAS 7:9 Σταυροειδείς Αναφορές

MATIUS 15:28

Anasa Yesus adya gel genyek an, ”Genong o, anja dib senelelamaʾ ara hyak senenggom nong! Anasa anja unuwanaso senelam sok unuwanenggel!” hyok. Dara al wene sab-sab gel genedya gelma era gobdo merewok.

MATIUS 8:10

Yin bonaʾ dubnya bedya ban wenhyok yub enyek, Yesus ara kebok dara, hyak seilinya senewok. Anya alak diriga ban nang anyagan ulumekaʾ ak, ”Ban benyek na lokja. Nimi nidyaʾ Israeli nimi gangganek sam ara, ban dib senen ganya enera hnon mekaʾ eibnenggumsa!

MATIUS 9:33

Dara Yesus adya bisaʾ era yakoka hwebok dara, bera wene sab-sab merewoka yuba sabok. Dara nimi nauba loka daboka lelemekaʾ ara, ”Nunda Israeli sokok ara, anasonya nera hnon mekaʾ eibnenggumouba!” alamek.

LUKAS 7:10

Wera Yesus ak el yeilimek nang era ek saaboka yanggek dara, wa wenya bera seleb meremokaʾ ak eibek.

LUKAS 7:50

Bok Yesus ara ban gel genyek an, ”Anda nak dib senenelemaʾ adya, anak seleb blebgelaʾ anasa, anda ei-ei ganya boboka, or binilam!” hyok.

LUKAS 7:8

Anasa wera, nara nadya imik eini dub nang yuba kelemna dara, onoʾ na damumduk onu ulumak nang era nadya yuba kelenyak. Nadya nimi yina bonaʾanya bek, Anyagan yalom, hen dara, yalamla. Onoʾ yoknya bek, Anda bilom, hen dara, alda balamla. Anya nadya wa wenya bek, Ban nenyek unuwalom, hen dara, alda keboka unulamla, wenyamla,” hyek.