LUKAS 7:7 - PERJANJIAN BARU NALCA YUBA

⁷ Hnonda leladya, ban nenesa leboka, na nong anaba anak ara yamenggom. Anasa or yub adyok wa wenya bera merewolul aboka yuba beibmen dara, alda merewanemla.

LUKAS 7:7 Σταυροειδείς Αναφορές

MARKUS 1:27

Wenyek nimi nidyaʾ ara hyak lok ganya boboka sik moumen wenyaldalamekaʾ ara, ”Wei, ban era hek damok yuba do? Wenyek bo lanawak yub! Hyak senenggom lok so uboka migib edya bisaʾ goboka yabalom hen enyek, alja yuba keboka unulumak bar!” aboka lelemek.

LUKAS 4:36

Dara, nimi nidyaʾ ara ganya loka daboka, sik moumen lebdangdo balamekaʾ ara, ”Alja salamla yub era hyak lokja! Dara alda senenggomaʾ uboka, migibaʾ gebman ab dadya, yu bisaʾ gong ek, goboka bululum aboka oruklesil dara, goboka yabalemak anasa, hyak lokja,” aboka lelemek.

LUKAS 5:13

Dara, Yesus adya gororomaʾ delemoknya bek soruka diyiboka lemokja, ”Nadya dara, or merewolul senemnaʾ anasa, or merewalom,” hyok. Dara al wene salek enyek, gororomaʾ ara dengamok.

LUKAS 7:6

Dara Yesus ara Yahudi nim eb neikaʾ yin bonaʾanya bedya ek byik. Wera Yesus ara e berem ok so yanggok dara, ”Neyung o, nara anak ara or pe yalem aboka wenyhenggunusinya anasa, salyaʾ kweldal yamenek aboka wenyaboka, nim ek Yesus ak wenyal bululum aboka orugosuk dara, wenyal byik.

LUKAS 7:8

Anasa wera, nara nadya imik eini dub nang yuba kelemna dara, onoʾ na damumduk onu ulumak nang era nadya yuba kelenyak. Nadya nimi yina bonaʾanya bek, Anyagan yalom, hen dara, yalamla. Onoʾ yoknya bek, Anda bilom, hen dara, alda balamla. Anya nadya wa wenya bek, Ban nenyek unuwalom, hen dara, alda keboka unulamla, wenyamla,” hyek.