LUKAS 7:44 - PERJANJIAN BARU NALCA YUBA

⁴⁴ Dara onoʾ Yesus ara gel genyek an keeboka Simon bek lebokaʾ ara, ”Anda ban gel genera seleb eiyilam de? Nara anjaʾ ek anam yanggan dara, anda nadya yana mek eleganamna senewoka meka hnon gweboka orowek beibnenggubmanelem bok, ban gel genera alja heng mekaʾ edya nadya yana mek elegoka, onoʾ alja hong edya lubnel.

LUKAS 7:44 Σταυροειδείς Αναφορές

LUKAS 7:38

Wera gel gera Yesus delemok ak sam alda weilik sekoka, engenaʾ gadyaʾ eboka, alja heng mekaʾ era Yesus adyaʾ yan sangak sam niniwoka, Yesus adya yan ak ara, alja hong edya heng mekaʾ luboka, giboka, perob ngiknaʾ mek era an yanek an yek golumok.

LUKAS 7:43

Wenyek Simon bedya dara, ”Nadya dara, nauba rupiah deb losonya benyek pewanel aboka nauba so wanaʾ ubnamso,” hyok. Dara Yesus adya Simon bek, ”Anja seinilamnya nera aldib seinilam,” hyok.

YOHANES 13:5

Ban seleb dara, solowak lomok meka yekoka alja yuba doro diriga ban nanga yana mek elek einisuukanya, derek norobdangamok mek lubnaʾ edya alja yuba don nanga yana gebesuk.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

YAKOBUS 2:6

Dub nimi nong adya ugunuk digam-gamaʾ neneweisinikanya, nimi yana lelesin ek sam bo balasak nang era, an ulumak bok, ugunja dara nim era loboka, bonaʾ garan nim ek malya geboka derelelum.