LUKAS 6:8 - PERJANJIAN BARU NALCA YUBA

⁸ Bok alda sikja seinimeknya nera seleb ella ubsuukanya, soruka heimoknya bek lebokja, ”Anda bukmenekanya hnoumunga seklom!” hyok. Dara benera bukoka sekel yibuk.

LUKAS 6:8 Σταυροειδείς Αναφορές

MATIUS 9:4

Yesus ara sikja ganya seininaʾ era seleb ella ubsuk dara sikenek, ”Ugunda hekasa malya ganya ek seinilelum do?

MARKUS 3:3

Wenyek Yesus adya soruka darasam somogomoknya bek, ”Hnoumung an sekel yalom,” hyok.

LUKAS 13:12

Yesus adya gel genyek eiyimok dara, alja yalom aboka lebokaʾ ara, ”Genong o, anda wera neiklelam neiknaʾ ek ab seleb merewalam!” hyok.

LUKAS 5:22

Wenyaboka Yesus adya sikja seinimekaʾ ara, seleb ella ubsuk dara, ”Ugunda hekasa ugunja ganya lomok an heildalalum do?

LUKAS 6:9

Dara Yesus ara sikenek, ”Nara ugunuk heibnesin, Sabat mem sum era hekaʾ ak or unulunok hyok do? Perobnya nek ununaʾ ak gom, malyinya ununaʾ ak gom? Nim nong ak blebnaʾ ak gom, nim orok nenewoka onaʾ ak gom?” wenyaboka heibsuk.

YOHANES 2:25

Yesus ak dara, alda hyak nimi ganya ak orowek ella ulusilnya bek anasa, nim adya bera ban anaso ulumla aboka, nak neknenok senewanggumok.

YOHANES 21:17

Dara, Yesus adya Petrus bek, alja onsok saaboka neiknya nenyek li winilinya sum, ”Anda Simon Yohanes mamnya, nak nauba wanaʾ ulunelem de?” aboka heibuk dara, wera Petrus bedya ganya angoo senewoka, Yesus ak, ”Wenelesilimnya o, anda yokaʾ-yokaʾ nidyaʾ ella ululamaʾ anasa, wera anasa, nadya anak nauba wanaʾ ulunggenaʾ ara anda ella ululam,” hyok dara, Yesus adya onoʾ Petrus bek, ”Wera anasa, nadya domba pam enyek pe geregoka bo ulunelom,” hyok.

YOHANES 9:4

Gunaʾ yanamla salek era wa webnamenggom anasa, yubyek dilinaʾ ubla salek ok, na bokol yeilinyoknya bedya wa era yeiriwoka welemnemab.

RASUL 20:24

Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

RASUL 26:26

”Dara, Agripa dubnya beneba, nera aldib lelemla senewoka ella ulunel. Wera anasa, nara alja hogung ak ara asaʾ ganya boboka lelemna. Ban nidyaʾ lelenanya nera, hyak doknowoka unuwanggumok anasa, hnonok mekaʾ sirigaʾ anaba, alda eibnenggumoknya nera unggulumla senelamna.

PILIPI 1:28

Ugunja isaʾ nang ek lok ganya bonaʾ loboka, sobaʾ asaʾ ganya ok bolomnelumaʾ anyek hnon, ella ubnamna. Ban unulumunaʾ adya, wera sikenek orok nenewanasil beknaʾ laga danasilikanya, ugunuk dara, Imik Neyung adya blebnesil beknaʾ laga danasil.

IBRANI 4:13

Imik Neyung adya henga kemenaʾ ak ab dara, yokaʾ nidyaʾ hnon goʾ pe doknowamenggom. Alda yana lelewanasil dara, nara anasa unumsa aboka laga lebnemabnya bek, yokaʾ-yokaʾ nidyaʾ ara, nong baneng laga ok ulumla.

1 PETRUS 4:1

Kristus ara nimi bokaʾ adya gweklemokaʾ anasa, numba alba seinilemok sok seinilemnemab senen ganya boboka migiba gebeldalalulum. Nimi nong sirikaʾ anyek oka gweklelanya bera, onoʾ malya unaʾ lolomla.

WAHYU 2:23

Anya gel genedya mab era, dengaboka obnamna. Anya, yuba donaʾ nimi nidyaʾ ara, nara nimi nong lomok ab ganya lomok eboka eillilesinya bek ulumnaʾ ara, ella danamak. Anasa leboka, ugunja nidyaʾ unululum sok sunuwoka ugumba deknesin.”