LUKAS 6:44 - PERJANJIAN BARU NALCA YUBA

⁴⁴ Anasa gala nidyaʾ ara dokok ab ella dangalamak. Anya sabalaʾ gal ak ab, anggur doka daknenggulumak. Onoʾ giriknaʾ si gal pikik ab dara, bira daknenggulumak.

LUKAS 6:44 Σταυροειδείς Αναφορές

MATIUS 12:33

”Perob gal doka moubnamla aboka dara, gal nong ara mesaʾ pe bleblamla. Gal nong anyek pe mesaʾ denaʾ orok dara, gal dok anaba malya ura moulumla. Gal nonga pe mesaʾ ulumla gom, orok gom ara, gal dok adya ella dangalamak.

MATIUS 7:16

Ugunda sikda anaso ulumak senenaʾ ara, sikja ununaʾ ak anyeb eibnelum. Sabalaʾ gal adya dara, anggur dok gom, yok den gal doka hnon, moub eleganggunumso.

MATIUS 7:20

Anasa, sene sondaʾ anasa ununumnaʾ lelemak nang eneba, sikja nong unaʾ edya, ugunda sikenek ella danalum,” hyok.

YAKOBUS 3:12

Na kabo nim o, ara gal edya dara, Zaitun gal dok mouboka, onoʾ anggur gal edya dara, ara gal dok moubnamso de? Orok! Onoʾ sik mek luk ab dara, perob meka gobnenggunumso.

YUDAS 1:12

Wera an unu malya ulumak nim eb neikaʾ delelum dara, sik nong ara, ugun gangganek sik meklaʾ ulumak. Wera delelum dara, alya orokaʾ anyek, yok nimi wanaʾ unaʾ loboka, siksamba ok nonogoka delemak. Sikja unaʾ era, kaboʾ adya debaʾ ak walawoka bo yibin enyek, moka yangganaʾ lolomla sok unulumak. Hnonda sik nong ara, gal meklaʾ gololamla li era, doka mounggulumlaʾ anasoʾ ak uboka, yarenga dama delewan enyek, yalegoka dibaʾ oulaʾ olomla sok ulumak.