LUKAS 5:30 - PERJANJIAN BARU NALCA YUBA

³⁰ Parisi nanga hnon, Yahudi Imik Neyung yuba neksin nanga hnon wene nang edya, sikda lek ganya bomeekanya, Yesus adya alja yuba doro diriga ban nang ek, ”Ugunda hekasa rupiah molowoka dosin nang ab, malya nang eb, neikaʾ delelum do?” aboka heibsik.

LUKAS 5:30 Σταυροειδείς Αναφορές

MATIUS 5:46

Anasa ugunda ugunuk an wanaʾ ulusak nim ok numbabya wanaʾ ulunob senelelum dara, hekasa Imik Neyung ara ugunja unululumaʾ sunuwoka perobaʾ eleganesuso do? Anaso ganya era mok soko amba rupiah molowoka dolomak nang eneba ganya en boboka unulumak.

MATIUS 9:11

Dara Parisi nang edya ban unulumekaʾ ak eibsik. Anya sikja Yesus alja yuba doro diriga ban nang ek, ”Hekasa ugunjaʾ neklesilnya beb, mok soko amba leboka rupiah molowoka dosin nang eb, nim adya malya senelesak nang eb neikaʾ bukoka delemak do?” wenyaboka heibsik.

MARKUS 2:16

Wera anasa, Parisi nim edya Yesus ara rupiah mok soko amba leboka molowoka dolosik nang eb, heik yokaʾ nim edya malya nimi senelesik nim eb, neikaʾ bukoka delemekaʾ ak eiyimek dara, sikja Yesus adya yuba doro diriga ban nang ek, ”Hekasa ugunjaʾ yuba neksinya bera, mok soko amba rupiah molowoka dosin nang eb, malya nang eb neikaʾ bukoka delemak do?” aboka heibsik.

MARKUS 7:3

Parisi nim eb, Yahudi nanga nidyaʾ ara, sikja nim ugumaʾ lelemlaʾ ak an sunuwoka yokaʾ unuwoka soruka mek eleknaʾ orok bok dara, denaʾ denggulumek.

MARKUS 9:16

Dara, Yesus ara sikenek, ”Ugunda hek yuba damok ek, sikeneblaboka leleldalalum do?” wenyaboka heibsuk.

LUKAS 18:11

Dara Parisinya bera albeyok sekoka lero mololemokja, Wei Imik Neyung o, nara yok nang ulumak sokaʾ ak unggulumna, nara hokaʾ donggulunanya, nara gununggulunanya, nara gela salyaʾ salenggulunanya, anasa anak perob aboka gibgen. Nara ban rupiah mok soko amba mololanya benesoʾ ak unggulumnaʾ anasemba, perob aboka gibgen.

LUKAS 19:7

Nimi nidyaʾ ara anyek eibek dara, hyak nauba dogom eleng alamek. Anya sikja lelemekaʾ ara, ”Wei, hyak malya nongnya bedya ek nim e bul bilimla bar!” aboka lelemek.

LUKAS 5:17

Onoʾ yok sum enyek, Yesus ara anam neklesuk salek enyek, anyagan ara Parisi nanga hnon, Yahudi Imik Neyung yuba neklesik nanga hnon bulumek. Sikda Yerusalem ab hnon, Galilea sokok ab, Yudea sokok nimi heikek ab, nimi nidyaʾ yeilimek. Wenelesilnya bedya migib era, neiklemek nim ek hwebsululaʾ aboka, Yesus ak ulumok.

LUKAS 5:21

Dara wenyek, Yahudi nang eb, sikja Imik Neyung yuba neksin nang eb dara, sik moumen seiniwoka leldalamekja, ”Ban benera alda Imik Neyung si ak malya nenelamlaʾ anasa, alda heknya do? Imik Neyung ak hnonok malya unaʾ doboka boboganasuso bok anasa, nim ak dara, sikenek ab meewanggunuseng bok bar,” alamek.

LUKAS 7:34

Dara ono, nimi dibaʾ me nera yeiniboka, alda gwanenga meka deregoka ulumla enyek, ugunja dara, Ugunda benyek kendululum! Denaʾ hwamnya, yu meka deregoka ganya uu anaʾ hwamnya, rupiah donaʾ nang eb, malya unaʾ hwam nang edyaʾ sikjaʾ hem benya, alalum.

LUKAS 7:39

Wenyek Parisinya bera Yesus ak nadya ek sam denenam aboka e bilimoknya bedya an unuwokaʾ anyek eibuk dara, alja ganya lomok seiniwokja, ”Alda ununumnaʾ lenya bek dara, ban unulamla gel genera alda heknya, alda genyaʾ senewoka ella danamso,” senemok.

RASUL 23:9

Dara, sikda mala weboka doluwoka nauba obdangdo balamek. Dara, Parisi Imik Neyung yuba neksinaʾ ulumek nang edya yeiriwoka lelemekja, ”Nunja dara, Paulus benera hnon malya uboka meknenaʾ orok,” aboka lelemek. ”Alja yuba lelemla ara yok ganya edya gom, lero edya golulumokaʾ adya gom, lelemla gom anasa, mem,” hyek.