LUKAS 5:24 - PERJANJIAN BARU NALCA YUBA

²⁴ Bok wenyek dara, nimi dibaʾ me nera sokok ara, malya unaʾ amba memesin migib ulunel ununaʾ ella danalum.” Anya onoʾ Yesus ara nonga heimoknya bek, ”Sekoka anja esonaʾ doboka bobmenekanya, or balalom!” hyok.

LUKAS 5:24 Σταυροειδείς Αναφορές

MATIUS 16:13

Yesus ara Kaisarea Pilipi heikek sokok sam byuk. Anyaganyeb dara, Yesus ara alja yuba doro diriga ban nang ek lebsukaʾ ara, ”Nimi yok nim edya dara, nimi dibaʾ me nera heknya alamak do?” aboka heibsuk.

MATIUS 25:31

”Nimi dibaʾ me alja nong senedyaʾ gebman yanggalya sum era, alja lero nanga nidyaʾ ara akneb ganagoka yanamlakanya, aljaʾ perob ekla bunaʾ ak sam dubnya senenggomnya geknebaʾ dangoka bulumnamla.

MATIUS 26:64

Anasa Yesus adya sikenek, ”Ugunja yub edya alan seleb wenyhelum an. Nara ugunuk dib lebnesin, Ban sum enyek moruwoka, nimi dibaʾ me nera Imik Neyung migibnya bedyaʾ sirikek sam bukla, anya alda imik sam debaʾ hnoum pik yanamla ak, eibnelum!” hyok.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MATIUS 4:24

Yesus ara anaso uboka unulamla an yub era mok soko me nidyaʾ oboka lelemok dara, nimi nauba alak yalamek. Nimi nidyaʾ ara igina kweboka, yok-yok neiknaʾ salalesuk nim era Yesus ak bo yalamek. Wera nimi nidyaʾ koma bulumek nim eb, bisaʾ goloklesuk nim eb, nonga heilisuk nim era, Yesus adya meriyisuk.

MATIUS 9:6

Bok wenyek dara, nimi dibaʾ me aldib soko dubuk an ara, nim adya malya unaʾ sikenek ab sobaʾ memelesil ulumla geknebaʾ ara, wen laga unuwanamna,” hyok. Dara onoʾ Yesus ara nonga heimoknya bek, ”Anda sekoka, anja esonaʾ doboka bobmenekanya, anja ek bilom!” hyok.

LUKAS 5:13

Dara, Yesus adya gororomaʾ delemoknya bek soruka diyiboka lemokja, ”Nadya dara, or merewolul senemnaʾ anasa, or merewalom,” hyok. Dara al wene salek enyek, gororomaʾ ara dengamok.

LUKAS 5:18

Ban sum enyek, nimi ben hnon heimoknya bek esonaʾ adya yangawoka, nimi wene nang jaboka bo yeilimek. Bo yeilimek nang edya dara, Yesus ulumlyaʾ saram nong ok beibnobaʾ aboka dulumek.

LUKAS 5:23

Har sonya nek lebneseng, Seleb anja malya unaʾ anak ab meewagen, heneseng gom, alda Sekoka balom, heneseng gom?

LUKAS 7:14

Wenyaboka somogomok me beʾ dam biniboka soruka salal yabok dara, nimi beʾ jaboka bo balamek nang era sek lobek. Dara Yesus ara, Wei, goubenya me o, nara anak wenyhenenggen, anda buklom, hyok.

LUKAS 8:54

Dara Yesus ara gelma enedya soruka glibsalawoka, lebokja, ”Najabo gelma o, buklom!” aboka lebok.

YOHANES 11:43

Ban nen seleb wenyabgogomok dara, Yesus adya Lazarus soko lokomeknya bek, ”Lazarus o, wera anda goboka yabalom,” aboka bii aboka lelemok.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 3:13

”Nimi hnonok sibin anaba imik heik sam embengaʾ welewanggubuk bok, nimi dibaʾ me nek imik heik ab yeilimoknya bek hnonok unumok.

YOHANES 5:27

Dara, alja me nera nimi dibaʾ me ulumlaʾ anasa, alja neyung bedya alak nimi yana lelesinaʾ ara seleb elegemok.

RASUL 14:10

yuba nauba yalawoka lemokja, ”Anda jong nonga seklom,” hyok. Dara, bera berra sekoka, sakdo dorogoka bini yeini ul yabok.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

RASUL 9:34

Petrus bedya Eneas bek lebokja, ”Eneas, Yesus Kristus adya anak seleb hwebgel anasa, anda bukoka anja ekla malalamaʾ nidyaʾ pe winiwoka ul yabalom,” hyok. Dara, wene sab-sab Eneas bera bukuka sekemok.

RASUL 9:40

Petrus bedya anyagan engero bulumek nimi danyek, ugunda nidyaʾ goboka beiyik bululum aboka, albeyok anyagan koma lumugoka Imik Neyung ak heng uboka molomok. Wera Petrus bera Dorkas gedya beʾ gala gouboka beiyimek ak keeboka lemokja, ”Tabita o, anda buklom,” hyok. Dara, Dorkas gera henga gwelegoka kemelemok enyek, Petrus bek eiyimok dara, alda bukumok.

WAHYU 1:13

Dara onoʾ ban uk dininaʾ sekbadya beiyimekaʾ hnoum ara, nimi sirikaʾ anasoʾ ak ben hnon sekemok. Bera alda hyak waran nongaʾ anyek yan anaba siklemok akleng ek ongomok. Aljaʾ saramek sam ara dangman selerobaʾ ak wan-wanamok.