LUKAS 4:18 - PERJANJIAN BARU NALCA YUBA

¹⁸ ”Wenelesilnya bedyaʾ Geisinya ara nak ulunel. Wera anasa, alda nak seleb sekiyiwanyokaʾ ara, perob lero yanggan yub era, bonaʾ garan nim ek alja lelelulaʾ aboka, alda nak seleb orowek doboka sekiyinyok.

LUKAS 4:18 Σταυροειδείς Αναφορές

MATIUS 11:5

Henga luma yeilimna nang eillilemak, nonga yana heimna nim eikaʾ yabalamak, nong bokaʾ malya ulusil nimi hwebna dara, bokaʾ dolomak, o ounugamna nim o bakoka kelemak, seleb somogamna nim embengaʾ suboka bulumak, Imik Neyung ak ab perob lero yanggan yub era nimi bonaʾ garan ulumak nim ek lero yabalamlaʾ anyek eiyiboka unulamla aboka nekdo binilum.

MATIUS 12:18

Momnya dobokaʾ ara, ”Nadya weboka doboka bokol bilimsa me nera an. Nadya alak wanaʾ ulumnakanya, alja nadya ganya hekel eleklenel. Nadyaʾ ganya era alak gologanamlakanya, jong unaʾ damok ara, alja yok-yok mok soko nim ek lero binimla.

MATIUS 12:20

Gokoka eleklamla leiya eneba leboka dobnenggunumla, dara saranggonunaʾ aboka delemlya uk eneba sarangganggunumla. Bok, jong uboka pe ununaʾ anyek oblamaganggunumla salek era, alda anaso ulumnamla.

MATIUS 4:16

Gunaʾ lomok sam ulumak nim edya, perob dilinaʾ yeblaʾ ara eibak! Nimi somoklomakaʾ ak sokok sam ulumak nim era dilinaʾ welera seklaʾ ak eibak!” amoknya nenyek gigiwok.

MATIUS 5:3

”Nimi hnon, nara ganya garan denaʾ nim enyaʾ senewoka ulumak nim era, sikda Imik Neyung wenesin heikek ulumnemakaʾ anasa, pe ulumak!

LUKAS 4:17

Dara, ununumnaʾ lenya Yesaya buku ek doboka alak elegemek dara, alda buku gelebookanya, alda ban yub en wenyaro momnya dobokaʾ digum anyek ara,

LUKAS 6:20

Dara Yesus ara, alja yuba doro diriga ban nang ek keebdaboka lebokja, ”Ugunda bonaʾ garana ululum nang o, Imik Neyung wenesin heik ulumlaʾ ara, ugunjaʾ ak ulusilaʾ anasa, ugunda pe ululum.

LUKAS 7:22

Anasa Yesus adya sikenek, ”Ugunda Yohanes Pembaptis bek saaboka biniboka, hekaʾ ak ugunja eiyiboka kelelumaʾ anyek, heng lum nim era gwelegoka eillilemak, yana heilimla nimi pe sekoka yabalamak, gororomaʾ adya malya uro delemla nim eneba pe bokaʾ dolomak, o ounugamna nim era kelemak, seleb somogamna nim era embengaʾ bukillilisil, Imik Neyung adyaʾ perob lero yanggan yub era bonaʾ garan nim ek leb elekdo yabalamnaʾ anyek nekdo binirum.

YOHANES 1:41

Alda men unumokaʾ ara, alja dong Simon be eboka alak wenhyok, ”Nunda Mesias seleb eiyimab,” hyok. (Kristus anasa lebok).

YOHANES 12:46

Nak dib senelenija nim era, gunaʾ lomok ulumeijek aboka, nara imik abaʾ ara sokok an dilinaʾanya yeilimsa.

YOHANES 3:34

”Dara, Imik Neyung adya bokol yeilimoknya bedya, Imik Neyung bedya lelemla yub enyek lelemla. Alak ara Imik Neyung Geisinya elegelmorulamla.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

RASUL 4:26

Wenelesilnya, alja nimi blebiyiwanesilaʾ dubnya Kristus beb, sikenek sokok sam dub nang nidyaʾ obdanob aboka gegelemak. Dub nang nidyaʾ adya neikaʾ hiboka, sikenek mala weboka obdanob aboka gegelemak, ara Daud bedya lemok adya lelum,” aboka lelemek.

RASUL 4:27

”Aldib, wen ara Herodes beb, Pontus Pilatus beb, Wenelesilimnya o, yok soko yok soko nim eb, heik enyegan ulumak Israeli nim eb, seleb mamagoka, sikda anja geisa me Yesus bek anja nimi blebsinaʾ dubnya sekiyilumnya bemba, mala weboka obdanob aboka samek.

KOLOSE 1:13

Anya, alja nunda gunaʾ migib ak ab seleb lobsuukanya, nunda alja wanaʾ ulumla me nedya heikek doro dibsuk.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.