LUKAS 4:1 - PERJANJIAN BARU NALCA YUBA

¹ Wera Yesus ara, Imik Neyung Geisinya adya boro loboknya bera, alda Yordan mekek abaʾ ara yanggok dara, Imik Neyung Geisinya adya hwalek sam mok bo byuk.

LUKAS 4:1 Σταυροειδείς Αναφορές

MATIUS 3:16

Seleb meka dabok dara, Yesus ara mek lomok abaʾ ara goboka welok enyek, wene sab-sab im pika gaboka, Imik Neyung Geisinya ara, bek wining enesoʾ anyek alak bul yinggyuk ak eibuk.

LUKAS 2:27

Dara alda Geisinya be pik uboka, Imik Neyung e eremek sam yeilimok. Dara me nen Yesus ara, alja nauba nim edya, unuwanalum an yub adya unuwanamak aboka momnya domokaʾ sunuwoka unu meewanokaʾ aboka, Imik Neyung ek bo yeilirek.

LUKAS 3:3

Anasa Yohanes Pembaptis bera Yordan meka gemek mok sokok sam nidyaʾ heikek yeiniboka yuba doroklomokaʾ ara, ”Ganya dangawomunukanya, ugun nong elekdangoka meka dabdanalum dara, Imik Neyung ara ugunja malya unaʾ ugunuk ab meewanasil.”

LUKAS 3:38

Kenan bera Enos bedya me, Enos bera Set bedya me, Set bera Adam bedya me, Adam bek dara, alda Imik Neyung adya me.

LUKAS 4:14

Wera Geisinya bedya migib gebman, Yesus ara Galilea sokok sam saaboka yok. Dara alsamba leboka lelemek yub era, ban mok soko heik era nidyaʾ oboka lelewok.

LUKAS 4:18

”Wenelesilnya bedyaʾ Geisinya ara nak ulunel. Wera anasa, alda nak seleb sekiyiwanyokaʾ ara, perob lero yanggan yub era, bonaʾ garan nim ek alja lelelulaʾ aboka, alda nak seleb orowek doboka sekiyinyok.

YOHANES 1:32

Dara, Yohanes bedya ban laga lebokaʾ ara, ”Geisinya ara yalma wining anasoʾ imik ab yingginiboka alak bul yeilimokaʾ eiyimsa.

YOHANES 3:34

”Dara, Imik Neyung adya bokol yeilimoknya bedya, Imik Neyung bedya lelemla yub enyek lelemla. Alak ara Imik Neyung Geisinya elegelmorulamla.

RASUL 1:2

Yesus ara alda anam imik heik sam binggumok salek, Imik Neyung Geisinya migib adya arawoka, nadya yuba lebnokaʾ aboka yuba lenaʾ gak nang ek anyek pe unuwanalum aboka wenewoka neklesuk.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 8:39

Wera mekek ab ara goboka yabarek dara, Pilipus bera Imik Neyung Geisinya adya wene sab-sab doboka yokok bo bilimok. Dara, Etiopianya bedya dara, Pilipus bek mekaʾ eil donaʾ ara hyak orok. Bok, ban Etiopia dub nang wa wenaʾ dubnya bera ganya eiya daboka alja ek pik bilimok.