LUKAS 3:21 - PERJANJIAN BARU NALCA YUBA

²¹ Wera nimi nidyaʾ meka dabsuukanya, onoʾ Yesus anaba meka dabookanya, heng uboka molol yabok salek, im pik ara gabdebok.

LUKAS 3:21 Σταυροειδείς Αναφορές

MATIUS 14:23

Wera nimi nidyaʾ ara, sikja heikek sam seleb byik dara, Yesus ara albeyok, heng uboka molowoununaʾ aboka, meinik sam welewok. Wera inil yabok bok anyek, Yesus ara meinik sam alak ok ulumok.

LUKAS 5:16

Bok, li hnonda Yesus ara albeyok gakdenaʾ ak sam heng uboka molowonunaʾ aboka balamok.

LUKAS 9:18

Wera onoʾ yok sum enyek, Yesus ara albeyokaʾ heng uboka mololemok dara, alja yuba doro diriga ban nang era alak yeilimek. Danyek Yesus adya sikenek, ”Nim adya dara, nara heknya alanyak do?” wenyaboka heibsuk.

YOHANES 1:51

Onoʾ Yesus alak, ”Ugunuk dib lebsin, ugunda nidyaʾ ara im pik bakoka, Imik Neyung lero nang adya nimi dibaʾ me ak wele golugoka ulumnamakaʾ eibnelum,” hyok.