LUKAS 24:26 - PERJANJIAN BARU NALCA YUBA

²⁶ Kristus, nimi blebsinaʾ dubnya bera, men dara, hyak nauba igina kweboka gweknamlakanya, eimik era alda imik senenggomnya dubnya nenewanamla henggubuk de?” hyok.

LUKAS 24:26 Σταυροειδείς Αναφορές

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

LUKAS 24:46

Onoʾ hnon Yesus adya sikenek, ”Imik Neyung yuba bukuk lomok sam ara lero momnya dobokja, Kristus, nimi blebsinaʾ dubnya bera nauba igina kweboka gweknamlakanya, winilinya sum era somoklomakaʾ ak ab onsok embengaʾ suboka buknamla.

LUKAS 24:7

Ara, nimi dibaʾ me nera malya unaʾ nim ek doboka eleganamak dara, alda oboka gal ak glabnemaakanya, lika winilyabaʾ sum era embengaʾ suboka buknamla, hyok,” herek.

YOHANES 2:22

Dara, Yesus suboka sekok dara, alja diriga ban nang era, wenyamokaʾ orowek kemek bok adya, anyek lebok aboka bekemek. Dara onoʾ, alja diriga ban nang era, Imik Neyung yuba momnya dobokaʾ hnon, Yesus adya sikenek wenyamokaʾ hnon, seiniwoka dib senemek.

YOHANES 20:9

(Sikda orowek Imik Neyung yuba momnya dobokaʾ ak sam, Yesus ara somogalya dara, winilinya sum embengaʾ suboka buknamla aboka, momnya dobokaʾ ara, anam elgom ulumek).

RASUL 17:3

Wera Imik Neyung yuba momnya doboka anyek sunuwoka, Paulus bedya Imik Neyung adya nimi blebsinaʾ dubnya eleganesin amoknya Kristus bera somogalyekanya onoʾ li winilinya sum era embengaʾ suboka buknamla aboka nekesuk. ”Imik Neyung adya nimi blebsinaʾ dubnya eleganesin wenyamoknya bera, Yesus aboka nadya ugunuk lero yalasin an,” hyok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

1 PETRUS 1:3

Nunda Imik Neyung ak nunjaʾ Wenelesilnya Yesus Kristus alja giblelanya aljaʾ neyung bek gibnemab! Alda nuk angoo yadyek senewoka arasukaʾ sunuwoka, Yesus Kristus somoknaʾ ak ab embengaʾ suboka bukiyiwokaʾ adya, wenyek embeng unaʾ ara nuk elegosuk. Ban adya ganya welmorunaʾ ganya nuk elegosuk.