LUKAS 22:8 - PERJANJIAN BARU NALCA YUBA

⁸ Anasa Yesus ara, ”Denaʾ meewoka youboka beil binisurum,” aboka Petrus beb Yohanes beb dak orugosuk.

LUKAS 22:8 Σταυροειδείς Αναφορές

MATIUS 3:15

Bok Yesus adya Yohanes bek ara, ”Nunja ban unulumab adya, Imik Neyung adya unuwanok senelamlaʾ ara an anasa, unulumab bok anasa, wera or meka dabnenelem,” hyok dara, Yohanes bedya Yesus ak meka dabok.

LUKAS 1:6

Dara sik nang penya era, Imik Neyung ganya ak pe hekel eleklereekanya, Imik Neyung adya oruksin yub eb, sobaʾ amba meemen yub eb dara, meknenaʾ orokaʾ anyek, pe unulurek.

LUKAS 22:9

Wenyek sikja dara, ”Neyung anja dara, hanyagar sam meewoka ubnerak senelam do?” aboka heibdek.

RASUL 3:1

Dara, onoʾ yok sum enyek, sinik jam tiga anaso dara, nimi mololomek salek seleb dok anasa, Petrus beb, Yohanes beb, molowanomaʾ aboka Imik Neyung ek sam wele balarek.

RASUL 3:11

Dara, nonga heimokaʾ anyek meremoknya bera, Petrus Yohanes ak anam salabmosuk salek enyek, nimi nidyaʾ loka daboka sik winilya ara Salomo pik sereknaʾ ak ulumekaʾ ak sam, nimi nauba bik-bika yeiniboka longol yeilimek.

RASUL 3:3

Wera Petrus beb Yohanes beb, Imik Neyung ek sam wekel barek ak eibsuk dara, sikenek rupiah hnon eleganenurum aboka molosuk.

RASUL 4:13

Dara, nimi nauba henga gereksin ek yuba sabnobaʾ aboka longomek nim era, Petrus beb Yohanes beb, sikja asaʾ nong anyek yuba saboka, sikda sekolah hnon nauba donaʾ orok bok, nauba pe lelerek eiyimek dara, hyak loka nauba dasuk. Dara wera, sik penya dara, Yesus yuba doro diriga balarek nang era alan senewoka, bekoka ella dangamek.

RASUL 4:19

Bok, Petrus Yohanes adya dara, lebdekja, ”Har nerek perob so, ugun dub nang yuba kenaʾ anyek perob gom, Imik Neyung yub ak kenaʾ anyek perob gom, aboka seiniwanalum.

RASUL 8:14

Dara, Yerusalem heik ab yuba lenaʾ gak nang edya, Samaria nang era Imik Neyung yuba dib dobak an yuba kemek dara, anasa wera Petrus Yohanes ak kemel binirum aboka bokol bilisik.

GALATIA 2:9

Wera Imik Neyung adyaʾ wanaʾ uboka eleksinaʾ enera, nak eleganyokaʾ ak eibek dara, Yakobus beb, Petrus beb, Yohanes beb dadya dara, sikda yuba lenaʾ gak dub nang ulumekaʾ anasa, nab Barnabas beb soruka salawoka gibdanggogowouba dara, wera anara nunda neikaʾ kwebdangoka, ugunda Yahudi gom nim ek welemnerum bok, nuk dara, Yahudi nim ek welemnemab aboka ububa.