LUKAS 22:26 - PERJANJIAN BARU NALCA YUBA

²⁶ Bok ugunuk dara, anaso ununaʾ ara hyak mem. Alda ugunda ban nenyek unulululum, alda wenyek ugun gangganek sam senenggom nanga dangoka ulumak nang era, mek sirikaʾ anaso dangoka ulunok; alda wen nauba dangoka ulumak nang era, wa oruknaʾ nang eneso ulunok.

LUKAS 22:26 Σταυροειδείς Αναφορές

MATIUS 20:26

Bok ugunuk dara, anaso ununaʾ ara hyak mem. Alda saaboka, ugun gangganek sam senenggomnya ulumnamna senewanalanya bera, alda oruknaʾ wa wenya dolul.

MARKUS 10:43

Bok ugunuk dara, anasonya nera ununggom, mem! Alda saaboka ugun gangganek be hnon senenggomnya danamna senewalenya bera, alda men dara, ugunja oruknaʾanya dolul.

MARKUS 9:35

Dara Yesus ara bukoka, alja yuba doro diriga ban nang obadya nang ek keblululum hyookanya, sikenek, ”Nara men dubnya dangoka ulumnamna senewanalenya bera, wera alda sidyaʾ lobnamlakanya, nidyaʾ amba arawoka wa wenya dolul,” hyok.

LUKAS 9:48

Anya onoʾ sikenek, ”Heknedya nadya si, nasamba leboka banaso me nenyek dolomla dara, alda nak dolonel. Wera nak dolonelnya bera, alda na bokol yeilinyoknya bek dolomla. Anasa wera, ugun gangganek anyek hyak mek sonya ululanya benyek alda senenggom so ulumla,” hyok.

ROMA 12:2

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

1 PETRUS 5:3

Ugunja nim enera, bo ubnelum aboka elegeisik nim ek ara, ugunja dara, senenggom dub nang edya ununaʾ enyek ununggom, mem; alda sikja ugunuk diliwanesijenya nenyek unulululum.

1 PETRUS 5:5

Dara onoʾ ugun anam goubenya ululum nang ek hnon lebnesin. Ugunjaʾ nauba so nim edya yuba pe kelelulum. Imik Neyung yub ek sam ara, ”Imik Neyung ara dengdang ganya bolomak nim ek lek senelesilikanya, sokok nenebdangoka ulumak nim ek wanaʾ ulusil,” aro momnya dobokaʾ anasa, ugunda nidyaʾ ara ganya sokok nenebdangoka pe kemeldalamnelum.