LUKAS 20:46 - PERJANJIAN BARU NALCA YUBA

⁴⁶ ”Ugunda Yahudi yuba neksin nang ek ara, pe keeboka ulululum. Sikda waren-waren akleng enyek ongo-ongo bilimnekanya, deknaʾ gasaʾ pik ab salyaʾ seklemeibya enyek, yok nim edya giblesinok senelemak. Hnonda Yahudi nim edya yuba don ek gom, denaʾ senenggomaʾ youboka delemnaʾ ak ara, hyak laga perobaʾ nong ok bulunob senen ganya bolomak nang ek, anara ulumak.

LUKAS 20:46 Σταυροειδείς Αναφορές

MATIUS 16:6

Yesus adya sikenek, ”Ugunda Parisi nim eb, Saduki nim eb dadya, roti welenaʾ ak anyek, hyak pe keeboka ulululum,” hyok.

MATIUS 23:1

Dara onoʾ Yesus adya alja yuba doro diriga ban nang ek hnon, yok longomek nimi nauba ak hnon lebokaʾ ara,

MARKUS 8:15

Dara Yesus adya sikenek, ”Ugunda Parisi nang eb, Herodes beb, sikja roti gwaneng welenaʾ enyek ab, hyak pe keeboka ulululum,” hyok.

LUKAS 11:43

Ugunda Parisi nang era hyak omom nongaʾ ak ululum! Ugunda Yahudi nim edya yuba don ek ara hyak perobaʾ nonokdowaʾ ak ok bulunob senelelum, anya dekna gasaʾ ak ab giblesinok senen ganya bololum.

LUKAS 12:1

Nimi denga sal-salyaʾ anyek dokol dalameekanya, yan ingib sabdangda balamek. Wera nimi dara mamagal yalamek dara, Yesus ara alja yuba doro diriga ban nang ek, ”Ugunda Parisi nang edya roti welenaʾ enyek keeboka diri uldalalulum. Nadya lebnanya nera, sikja sene or-or lelesaknya nenyek lebna.

LUKAS 14:7

Yesus adya kemelesuk enyek, nimi yeilimek nang dara, hnonda hyak perobaʾ ak gaboka buru balamekaʾ ak eibsukaʾ anasa, ban yub enyek sikenek sunuwoka leb elegosuk.

LUKAS 20:47

Sikda you gelewa ek sondaʾ leiyiboka, bonaʾ nidyaʾ ara doldolosak, anya sikda pika irigildanaʾ dibaʾ ara, Imik Neyung ak mololdalamak dara, hyak waren nongaʾ anyek mololdalamak! Ban nang era hyak nauba igina kweboka gweklemnemak!” hyok.

ROMA 12:10

Ugunda nadyaʾ hem senewoka wanaʾ uldalamunukanya, perob aboka gibildanaʾ ak dara, anja hem bek men nonokdangoka gibildalamnelum.

2 TIMOTIUS 4:15

Bera alda nunja lelemab yub enera, bol nenel goklesilaʾ anasa, anda alak pe keeboka ululom.

3 YOHANES 1:9

Nara yuba dolomak nim ek mek burum momnya donaʾ hnon weboka seleb dibsa bok, yuba don nimi dubnya ulunun senelelanya Diotrefes bedya danyek, nak alja yub era kebnyek senewoka ulumla.