LUKAS 2:9 - PERJANJIAN BARU NALCA YUBA

⁹ Dara al wene sab-sab, Wenelesilnya bedya lero, sikenek yookanya, Wenelesilnya bedya hyak senenggom dilinaʾ era sikenek yeb goluwosuk dara, sikda hyak loka dabsuk.

LUKAS 2:9 Σταυροειδείς Αναφορές

MATIUS 1:20

Yusuf bera wen senewoka anam unu seinibgiga balamok salek, alda lendara mabok. Wera lendara pik uboka, Imik Neyung lero adya alak, ”Anda Yusuf Daud nang yilaʾanya o, Maria gedyaʾ mon lomok sam mamla me nera Imik Neyung Geisinya adya me bomlaʾ anasa, dobdanarumaʾ ak, lok ganya bonggom, mem.

LUKAS 1:28

Wera lero era Maria gedyaʾ ek sam wekel yeiniboka, ”Wei perob, anak perob senelenggel gel o! Wenelesilnya bera anab neikaʾ ulurum,” hyok.

LUKAS 2:8

Dara an inimnek era, mok enyek anara salyaʾ mab lorobaʾ ak, domba pama beiyiboka yakna nanga hnon, sikja pama bo ulumek.

LUKAS 24:4

Gelewa dara, sikda ganya ebsukaʾ anasa, anam seiniro seklemek dara, wene salek enyek nimi penya nang geisa akleng ok ongo-ongo bilirek nang enyek sik berem sekdek.

YOHANES 12:41

Yesus ak imik nenemokaʾ anyek eiyiboka, Yesaya ara Yesus amba yuba lelemookanya, ban nidyaʾ ara men lelemok.

RASUL 12:7

Dara, al wene sab-sab enyek, Wenelesilnya bedya lero be hnon, nimi henga gouboka beillilisik ek sekok dara, alja dilinaʾ edya henga gouboka beillilisik e yeboka lomok. Dara, lero enedya Petrus be mamokaʾ ak warawoka gaawoka bukiyimok. Dara, lero enedya Petrus bek, ”Wei Petrus o, men berra aboka buklom,” aboka orugumok. Wera wene salek enyek, gasa heng edya Petrus bek gouboka beiyimek ara albeyok alja sorukuk ab loboka mamagemok.

RASUL 27:23

Anasa wera ousa inimnek enyek, nadya giblamna Imik Neyung alja lero edya nak yeiniboka lenelja,

RASUL 5:19

Bok, inimnek enyek, Wenelesilnya bedya lero edya yeiniboka, henga gereksin e pik sereknaʾ nidyaʾ bakoka, yuba len nang nidyaʾ eboka beiyek bo yibilisuukanya, sikenek lebsuk ara,

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

IBRANI 12:21

Dara banyek kemenaʾ ara hyak lok nong anasa Musa bera wenhyok, ”Nara hyak nauba lok nonga dabnelekanya, ber-ber alanel,” hyok.

WAHYU 18:1

Wera nen seleb dara, lero be hnon imik heik ab yinggyukaʾ ak, nara eibsa. Alda senenggom migibaʾ yaknya uboka, alja senedyaʾ era, soko nidyaʾ dilinaʾ ok ub lobok.

WAHYU 20:11

Dara onoʾ eimik so era, yok hyak senenggom geisa ekla bunaʾ ek, ana dubuk ara, alak bukumokaʾ ak eibsa. Dara, im ab soko ab, benedyaʾ hogunguk ak ab dengaro lobok adya, ban danedya oulyang era, orokaʾ dok.