LUKAS 2:14 - PERJANJIAN BARU NALCA YUBA

¹⁴ ”Senenggomaʾ perobaʾ ara, Imik Neyung hyak imik ululanya bembakanya, ganya hekoka namenaʾ pe unaʾ ara, sik sokok an alak urumuk dangalamlya nim emba ulumnamla,” wenyaro giblemek.

LUKAS 2:14 Σταυροειδείς Αναφορές

MATIUS 21:9

Nimi nauba Yesus balamok pik ek, hnon nim era eimik dobdo balamek bok, hnon nim era men mengewoka balameekanya, sikja lelemek ara, ”Daud bedya me nek gibnok! Wenelesilnya bedya si sibuka yeilimoknya bera alak hyak perobaʾ dangalalul! Imik Neyung hyak imik sam ululanya bek giblenok!” wenyaboka lelemek.

LUKAS 1:79

Nera sik lok ganya hwam uboka, gunaʾ hnoum ulumak nimi gong enyek yeblesilyekanya, nunja yan era hyak perob pik, ganya pe namenaʾ un heklesil pik eboka bo binisil amba,” wenyaboka lebok.

LUKAS 19:38

Dara sikja lelemekja, ”Wenelesilnya bedya si pik moruboka yok dubnya bera aljaʾ senedya migibaʾ ara hyak pe ululul! Imik heikek ara, perobaʾ anyek uboka, Imik Neyung ak sobaʾ giblenok e!” alamek.

LUKAS 2:13

Dara onoʾ al wene sab-sab enyek, lero enyeb, yok imik heik yin bonaʾ nang lero gong-gong eb yingginiboka, neikaʾ Imik Neyung ak ban wenyaro giblemekaʾ ara,

LUKAS 2:15

Wera lero gong dara sikenek loboka imik heikek saaboka byik dara, pam beilin nang era sik moumen, ”Wenelesilnya bedya Betlehem heikek hekaʾ humlaʾ anyek, nuk wenyasilaʾ anyek kemel binimab,” wenyabdek.

LUKAS 3:22

Dara, Imik Neyung Geisinya ara yalma wining uruma anasoʾ anyek, lak-lak aboka, Yesus eilib ak bul yinggyuk. Anya, imik ab yuba hnon kebekaʾ ara, ”Anda nadya hyak wanaʾ nong ulunggen me, an nong adya nadya ganya heklenel,” hyok.

YOHANES 14:27

Ganya daboka unaʾ ara ugunuk lobonggo binisin. Narinya nenyek ugunuk elegoka lo binisin. Sokok anyeb eleklesilnya nenesoʾ ak eleganggunusin. Anasa, ugunda mounduk-mounduk aboka lok ganya bonggom,” hyok.

YOHANES 17:4

Neyung o, nara anja elegenulum wa nenyek seleb webgogowanaʾ adya, wera anja si nera sokok an imik nenewagesa.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

ROMA 5:1

Wera anasa, nunda ganya aldib senenaʾ adya perobaʾ nenelesil nang era, nunjaʾ Wenelesilnya Yesus Kristus pik uboka, nunda Imik Neyung ab neikaʾ hiboka ganya namenaʾ ulumab.

EPESUS 1:6

Aljaʾ wanaʾ nong ulumok me Kristus pik uboka, nuk aljaʾ senenggomaʾ wanaʾ uboka elegousukaʾ anasa, Imik Neyung imik ululanya bek giblenob.

EPESUS 1:9

alda soko nang blebnamna senemokaʾ doknomokaʾ ara, alja men ganya doboka Kristus pik uboka, wen nuk laga nenewok.

EPESUS 2:4

Bok Imik Neyung ara, alda angoo yadyek senewoka arasinaʾ hwamnya bedya, nuk hyak wanaʾ nauba ulusukaʾ anasa,

EPESUS 2:7

Ban unuwosuknya nera, eimik enyek, Imik Neyung ara alja wanaʾ uboka eleksinaʾ ara hyak senenggomaʾ ulumla beknaʾ eibnokaʾ aboka ubsuk. Alda Kristus Yesus pik uboka nuk wanaʾ ubsukaʾ ak eibnokaʾ aboka ubsuk.

PILIPI 2:11

Sikda nidyaʾ adya dara lebnemakja, ”Yesus Kristus anyek hnonok Wenelesilnya dibaʾ ulumla,” aboka laga lebnemak, dara wera anadya, neyung Imik Neyung ara alja si imik nenewanamak.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

KOLOSE 1:20

Anya Imik Neyung adya, alda yokaʾ-yokaʾ ab, al nong ab, neikaʾ hibnunaʾ aboka dara, or sokok an ulumlaʾ gom, imik heik ulumlaʾ gom, alda yokaʾ-yokaʾ neikaʾ ara hiyiwousununaʾ aboka, Kristus obek gal eneng pik seleb neikek hiyiwousuk.

2 TESALONIKA 2:16

Ugunda perobnya weboka, onoʾ perobnya nenyek unulululumaʾ aboka, nunjaʾ Wenelesilnya Yesus Kristus adya, hnonda nunjaʾ neyung Imik Neyung adya, sobaʾ amba ganya sangab elegoka, nunja ganya migiba gebnesil. Imik Neyung adya nuk wanaʾ ulusilekanya, aljaʾ perob ganya edya, siklerob ganya boboka, perobnya nek ganya nebom aboka diri ulumab.

WAHYU 5:13

Dara nara gamyakaʾ ulumlaʾ imik heik ab, sokok ab, soko damumduk ab, nauba mek gwanek ab, ane lomok nidyaʾ ulumlaʾ ara wenyalamekja, ”Al mok heik enyek an ekla bunaʾ eilib bululanya beb, domba pam me ab dara, giginaʾ nauba ab, nauba senewoka gibnaʾ ab, si imik nenenaʾ ab, yokaʾ len migib eb dara, siksamba hyak sobaʾ ulmorulumnamla!” wenyaboka lelemek.