LUKAS 19:9 - PERJANJIAN BARU NALCA YUBA

⁹ Dara onoʾ Yesus adya alak, ”Beneba Abraham nang yilaʾ ak anasa, sumen nong ak, e nenyek an Imik Neyung adya blebsilikanya, wenyek dib embengaʾ unaʾ elegeisil.

LUKAS 19:9 Σταυροειδείς Αναφορές

LUKAS 13:16

Yo, anasa anyagan ara gela hnon Abraham nimi yilaʾ ak neiknaʾ salawoka Satan bedya goubmoruwok salek era, gibnaʾ sago daraʾ badya lebokaʾ ak ulumla. Al nong ara, Sabat mem sum era bleboka loboka hwebnenggunuseng de?” hyok.

LUKAS 13:30

Dib unuwanamakaʾ ara, wenyek mengewoka ulumak nim era, hnonda eimik dangoka, onoʾ wen eimik dangoka ulumak nim era, hnonda mengewanamak nimi danamak,” hyok.

LUKAS 16:24

Anasa dubnya bedya lelemokja, neyung Abraham o! Nak angoo yadyek senewanelom e. Lazarus benyek, alja soruk enyek mek ek doronggalyekanya, nadyaʾ silyum ak an dil younululaʾ aboka orugalom. Nara uk lomok an hyak nauba gweklamna bar! alamok.”

LUKAS 16:30

Bok dubnya bedya dara saaboka, neyung Abraham o, nenyek ok dara, seleb gom senewan. Bok somogelenya benyek, sikenek suboka yanamlaʾ nong ak eibnemak dara, wera sikja malya unaʾ ak ab ganya dangawoka yuba dib senewanamak, aro lebok.

LUKAS 2:30

Dara nimi blebsinaʾ anak abaʾ ara, nadya heng yokaʾ edya bekoka seleb eibnaʾ anasa,

LUKAS 3:8

Wera anasa, nunda seleb malya unaʾ ak ab ganya danganaʾ geknewolul aboka, anyek sunuwoka beknaʾ okoka unulululum. Anya ugunja ganya lomok ara, Abraham bera nunja neyung ulumlaʾ anyaʾ seneldanggom mem! Anasa nara ugunuk wenyhenesin, Imik Neyung ara ban girik danaba nimi geboka, Abraham nang yilaʾ dangiyiwanemso!

ROMA 4:16

Wera anasa, unuwanesin aboka lebokaʾ damok ara, ban ganya aldib senenaʾ anyek sunuwoka unuwok. Anedya, ban unuwok ganya era, wanaʾ uboka eleksinaʾ anyek laga dangalalul aboka ubok. Anedya ban Imik Neyung adya unuwanalum an yub era, sik Yahudi nim ok gom, alda sik nim Abraham bedya dib senemok ganya enyek sunuwoka unulumak nang anaba, sikda nidyaʾ ara, unuwanesin aboka lebokaʾ dobnok aboka unuwok. Wera, anera Abraham bera nunda nidyaʾ hiboka amba, nunjaʾ neyung be ulusil.

GALATIA 3:14

Kristus adya hweboka blebsuknya nera, anadya wera Imik Neyung adya Abraham bek an perobaʾ eleganenggen amoknya nera, nimi Yahudi gom nimi hnon Kristus Yesus pik uboka, dobnokaʾ aboka ubsuk. Wera anadya hnon, nu Yahudi gom nimi bok, Imik Neyung adya eleganesin amok Geisinya era dib senenaʾ adya dobnokaʾ aboka ubsuk.

GALATIA 3:29

Dara, ugunda Kristus alja mab ulumun dara, Abraham nang yilaʾ dangoka ululum. Anasa, ugunda Imik Neyung adya Abraham bek eleganesin amokaʾ ak dobnelum nang ek ululum.

GALATIA 3:7

Anasa ugunda ella uboka pe beknelumaʾ ara, nimi Kristus ak dib senewoka ulumak nim era, sikda nidyaʾ ara Abraham bedya mab ulumak.

1 PETRUS 2:10

”Ugunda youmaʾ dara, Imik Neyung mabo silibaʾ unggululum bok, wenyek dara, Imik Neyung alja mabo silibaʾ ululum. Youmaʾ era, angoo yadyek senewoka arasinaʾ orok nim ek ululum bok, wenyek dara, angoo yadyek senewoka arasinaʾ seleb dolum nim ek ululum,” hyok.