LUKAS 18:7 - PERJANJIAN BARU NALCA YUBA

⁷ Anasa wera, Imik Neyung ara alja mabo silibaʾ edya inimnek yubyek pik arawoka mala dobnesilim alamaknya nek ara, mala dobnenggunususo de? Imik Neyung adya sikenek sum enyek arawanasin aboka, gokgiga binimso de?

LUKAS 18:7 Σταυροειδείς Αναφορές

MATIUS 24:22

Imik Neyung ara unun salek enyek burumaʾ gebnaʾ orok dara, nimi ben hnon anaba gobdo blebnenggunumso. Bok Imik Neyung ara, alja nim emba leboka unuwanamna senemok salek era mekaʾ burumaʾ gebnamla.”

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

MATIUS 7:11

Ugun malya unaʾ nim enyek babya, ugunaʾ mab ak ara, hyak perobaʾ anyek keeboka eleklelum. Anasa ugunja neyung imik heikek ululanya bera wanok! Alak anyek elegeisilom aboka mololemak nim era alda perobaʾ anyek eleganesil.”

LUKAS 11:13

Anasa wera, ugun malya unaʾ nang enyek babya, ugunja mab ek ara perobaʾ anyek eleklelum. Wera ugunja Imik Neyung imik heikek ululanya bera, wanok! Alda Geisinya elegeisilom aboka molowanamak nim ek ara eleganesil,” hyok.

LUKAS 2:37

Anya, alda danera seleb you gel ulumookanya, wene salek era gibnaʾ denga winilya ebdobnya winilya lemok. Dara Wenelesilnya Imik Neyung bedya ek ara, inimnek yubyek pik moruwoka, Imik Neyung amba gwanenga meka denaʾ loboka molobsiniwoka ulumok.

LUKAS 21:28

Ban nenyek nidyaʾ unul yabalyaʾ eibmun dara, ugunda mek anam blebnesil ak anasa, ugunda sekoka hogunga eiriyiwanalum,” hyok.

ROMA 8:33

Imik Neyung adya weboka dobsuk nang era, heknedya yuba saawanamla? Imik Neyung adya sikenek perobaʾ nenewok nang ek heknedya sikenek igina eleganasil?

KOLOSE 3:12

Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

1 TESALONIKA 3:10

Ugunja Kristus ak dib senenaʾ anyek nunda ugunub ok eibdangoka, hnon onoʾ mak sounuwoka neksisibya senewoka, yubyek inimnek pik moruwoka Imik Neyung ak nauba mololemab.

2 TESALONIKA 1:6

Imik Neyung nong ak dara, alda perob ok keeboka unululanya bek adya, ugunuk an igin kwel eleklesak nim ek ara, sikbabya lunuwoka igina kweb eleganesil.

1 TIMOTIUS 5:5

Nimi hnon aranaʾ orokaʾ anyek albeyok ulumlya youk gel gera, Imik Neyung alak ok seiniwoka, yubyek inimnek pik arawonulul senewoka alak mololsinilamla.

2 TIMOTIUS 1:3

Nadya neyung yab edya youmaʾ sikda ulumek sok, nadya mek ganya senenya lonaʾ adya, aralenanya Imik Neyung bek perob aboka giboka mololamna. Nara inimnek yubyek pik Imik Neyung ak molol yabenek ab dara, ugunuk hnon seiniwoka sob-sobaʾ mololesin.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

1 PETRUS 1:1

Nadyaʾ hemyabo nim o, Imik Neyung adya weboka dobsuk nim, Pontus moka hnon, Galatia moka hnon, Kapadokia moka, Asia uboka Bitinia moka doluwoka obyakasik nim ek, nara Petrus, Yesus Kristus adya yuba lenaʾ gaknya bedya, Imik Neyung adya ugunuk perob eleknaʾ ab, pe unaʾ ab, hyak nauba eleklesulul senelamna.

2 PETRUS 3:9

Nim adya dara, Imik Neyung adya unu eleganesin hyokaʾ hnon mandelemla senen ganya bolomak bok, alda anaso ununggulumla. Bok Imik Neyung ara, ugunuk hnon somogeijek senelamlaʾ anasa, or anam siklewoka ulumla. Imik Neyung adya dara, nimi nidyaʾ malya unaʾ loboka, eibkweboka ganya dangawanok senelesil.

WAHYU 18:20

Hnon kebsenya nera, ”Dara Imik Neyung ara, alja ugunuk unulusukaʾ ara, seleb lunuwoka alba dirigalaʾ anasa, wei, imik heik o, ganya heklom. Wei, munaʾ Imik Neyung mab o, yuba lenaʾ gak nang o, ununumnaʾ len nang o, anera hyak pewal senewoka ganya heksulul!” wenyaboka lebokaʾ ak kebsa.

WAHYU 6:10

Anya sikda hyak yeiriwoka bii aboka, banaso wenyalamek, ”Ai, hyak migibaʾ senenggomaʾ yangawolumnya, hyak geisikanya, aldib ok unululamnya o, anda nunja eneng emba leboka, sik sokok ulumak nang ek diriknaʾ ara, lika hekbadya so ublya ek yana lelenaʾ lolomnalam do?” hyek.

WAHYU 7:15

Wera anedya nang danera, Imik Neyung adya ekla bunaʾ saramek sekoka, inimnek yubyek pik, alja ek sam alsamba welemak. Wera al senenggom ekla bunaʾ ak sam an bululanya bedya, sikenek alja e nera sob goluwanesil.