LUKAS 17:6 - PERJANJIAN BARU NALCA YUBA

⁶ Danyek Wenelesilnya bedya sikenek lebsukaʾ ara, ”Ugunja dib senewoka ganya oloknaʾ anyek geibya dok anaso dara, nginya gal ak lebnesomja, dama deleboka mek gwan dubuk sam meldal bilom, henesom dara, wera gal eneba ugunja yuba keboka unuwanamso,” hyok.

LUKAS 17:6 Σταυροειδείς Αναφορές

MATIUS 14:29

Wenyek Yesus adya Petrus bek, ”Wera, or yalom,” hyok. Dara Petrus bera mek ekla bunaʾ ak ab mek dubuk sekel yingginiboka Yesus ak sam yan ingi byuk.

MATIUS 17:20

Wenyek Yesus adya, ”Ugunja dib senenaʾ ara mek ok adya. Ugunda pe beknelum! Ugunja Imik Neyung ak dib senelelumaʾ anyek, geibya dok anasoʾ ulumsoʾ anaba, ban mein enyek lebnesomja, Ono sam gokoka bilom! wenyhenesom dara, mein era gokoka bul binimso. Yokaʾ-yokaʾ nidyaʾ ugunja unuwanggunusomnya hnon unggulumnamla!” hyok.

MATIUS 21:21

Anasa Yesus adya sikenek, ”Aldib, ugunda ganya daldom-daldom anaʾ loboka, dib senelemnelum dara, nadya ara gal ek wema dabne sok, ugumbabya anasonya nera unuwanasom. Dara nenyek ok gom, alda ban mein enyek an lebnelumja: Somokdangoka senenggom mek gwanek sam bologoldal bilom, henelum dara al gigiwoka unuwanamla.

MARKUS 4:31

Imik Neyung ara dubnya dangoka wenewanasil sum emba sunun dara: Geibya yinaʾ ak nim adya doboka sokok sam doklomakaʾ anasoʾ ak ubnamla. Geibya yinaʾ dok ara, soko lomok doklemaknya nidyaʾ ara, alak hnonok hyak mekaʾ nong ak ulumla.

MARKUS 9:23

Wenyek Yesus adya dara, ”Anda hekasa unuwanesom migib ulunggelya dara alam do? Anasa, al dib senelelenya nemba dara, yokaʾ nidyaʾ ara unuwanamsoʾ ok,” hyok.

LUKAS 13:19

Wera ban sununaʾ eneso ulumla. Nimi ben hnon geibya yinaʾ doboka alja wak sam doklamlaʾ anaso ulumla. Yinaʾ bongowoka welewoka gala dangalamla dara, wininga bul yalamak,” hyok.

LUKAS 17:7

”Ugun gangganek sam nimi ben hnon wa dubnya uboka, alja wa wenya gom, pam beilinanya yaknya bek ulumso dara, bera wa welemsoʾ ara, anam wak abaʾ sekel yanggaso enyek, wa dubnya bedya, del yanggalom, henemso de?

LUKAS 19:4

Anasemba Zakheus bera berra aboka nimi mengeb hwiboka Yesus yibinamla senen pikek yabalya dara, eibnunaʾ aboka, gal ak welewoka bukumok.

LUKAS 7:13

Wera Yesus ara me dam gel genyek eibuk dara, hyak angoo yadyek senewookanya alak lebokja, Genong o, anda engenaʾ ara mem!

LUKAS 7:19

Dara Yohanes Pembaptis bera alja mabo penya nang ek yoururum aboka, sikda Yesus ak heil binirum aboka lebsukja, ”Neyung o, anda eimik yanamla hyoknya ben gom, nunda yoknya bek diri ulumnemab gom?” aboka hei yanarum aboka orugosuk.

1 KORINTUS 13:2

Nara Imik Neyung yuba lenaʾ migib elegenyokaʾ adya pe leb elegoka, yokaʾ-yokaʾ ara, hyak lomoknya neneba olowoka ella uboka, yokaʾ-yokaʾ nidyaʾ ella uboka, Imik Neyung ak hyak dib senenaʾ adya, mok soko mein anaba dama delewoka yokok sam bukillil yabalesinya bok, yok nim ek wanaʾ usinaʾ orok dara, wera nak dara, hyak salyaʾ nongnya bek ulumnesinya.