LUKAS 16:8 - PERJANJIAN BARU NALCA YUBA

⁸ ”Dara rupiah wa sala ulumoknya ben alja dubnya bedya dara, geremseng nongaʾ anyek hyak pebdangalam aboka gigiwok. Dilinaʾ ak ulumak nim era, anaso ununggulumak bok, sokok an salyaʾ lelem ulumak nim era, sik moumen ak, yokaʾ ubnaʾ ara, hyak geremsengaʾ anyek unuldalamak,” hyok.

LUKAS 16:8 Σταυροειδείς Αναφορές

MATIUS 12:32

Nimi ben hnon nimi dibaʾ me nek malya leboka walamla dara, wenyamso malya unaʾ era, or alja sobaʾ memelamla bok, alda Imik Neyung Geisinya ak walamla dara, wene salek gom, soko sidyaʾ daknamla sum eneba, benedya malya unaʾ era alak ab dibaʾ meewanggunumla!” hyok.

MATIUS 17:26

Petrus bedya dara, ”Sekel yanggan nim edya ok deklemak,” hyok. Wenyek Yesus adya, ”Wera anaso unulumak bok dara, heik yokaʾ nim era deknenggulumneseng.

LUKAS 16:10

”Meknya nek bojam welemak nang era, naubenya nek anaba bojam uboka welemnemak. Bok meknya nek anyek, bojam uboka wenaʾ orok nang era, naubenya nek anaba bojam wenggulumnemak.

LUKAS 16:4

Wera ella dan! Nadya wa wenenaʾ loblom aboka gobdo gwab lobnenel dara, wen seininanya nenyek ubnya dara, nim edyaʾ e pik dero yabalemnamna.

LUKAS 16:7

Dara onoʾ benedya, hnon yoknya bek an, anya hem o, anda hekbadya deb loblum do? hyok enyek, benedya dara, gandum doka aklenga denga sagobadya danamso rupiah enesoʾ ak deb lobsa, hyok. Dara wa wenaʾanya bedya deblomoknya bek, wera anja deb loblum momnya donaʾ era ban anasa, denga linbadya aboka momnya doblom, hyok.”

LUKAS 18:6

Dara onoʾ Wenelesilnya bedya lebokaʾ ara, ”Pe ununaʾ orokaʾ yana lelesinya bedya lebokaʾ anyek ugunda pe kendululum!

LUKAS 20:34

Anasa Yesus adya sikenek lebsukaʾ ara, ”Nimi nidyaʾ wenyek ulumak nang era, sikda gela doldalamak bok,

LUKAS 20:35

eimik dibaʾ ulumnemakaʾ amba embengaʾ suboka bukiyiwanasil nang, eimik yenewanamla salek ulumnemak nang era, gela mekaʾ dobnenggunumak.

YOHANES 12:36

Ugunda dilinaʾ mabo danalum aboka, dilinaʾ ugun gangganek anam ulumla salek enyek, dilinaʾ ak dib senewoululum,” hyok. Yesus ara wenyabgogomokaʾ seleb dara, sik gangganek loboka, yokok sam doknol bilimok.

1 KORINTUS 3:18

Nimi ben hnon, al damnya bol neneldanggom. Onoʾ nimi ben hnon ugun gangganek ara, nara yokaʾ-yokaʾ nauba el nong seneldalamla dara, Imik Neyung adya alak yok geremseng hwamnya nenewonululaʾ aboka, wenera dongdang anaʾ anyaʾ dangoka ululul.

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

PILIPI 3:19

Ban malya ulumak nim era, sikjaʾ ganya edya nunja nong emba pewosulul senen ganya boboka yeirilemakaʾ anasa, sik nong anaba malya uboka somoganamakaʾ ak ulumak. Sikda sokok an salyaʾ lelem perob dangalalanya nok senewoka seinilimak. Sikenek alya danasusonya nek perob senelemak.

1 TESALONIKA 5:5

Ugunda nidyaʾ dilinaʾ mab silibaʾ, yubyek mab silibaʾ so ululum. Nunda inimnek mab silibaʾ gunaʾ mab silibaʾ unggulumab.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.