LUKAS 16:2 - PERJANJIAN BARU NALCA YUBA

² Anasa dubnya bera rupiah beiyiboka memelemoknya bek e yeiniboka lebokja, hekaʾ ak nara ansamba yub era kemna do? Wenera nadya wa welenelemaʾ anyek, nara unu pe welemna aboka nidyaʾ lelewoka neknenelem. Anda sum enyek moruwoka eimik era, nadya rupiah salawoka bo unya unggulumnunelem, hyok.”

LUKAS 16:2 Σταυροειδείς Αναφορές

MATIUS 12:36

Anasa ugunda pe seiniwoka beknelum: Soko sidyaʾ daknamla sum era, nimi wen salyaʾ yuba saro ulumaknya nidyaʾ amba, Imik Neyung adya, anaso lelemek aboka, laga yana lelewanasil.

MATIUS 20:8

”Wera hyak sin dangoka inibok dara, wa damnya bedyaʾ alja wa keeboka unya bek, Anda nadya wa welenyak nimi nidyaʾ yoululum aboka, sikja deknaʾ era, eimik wel yeilimak nim ek ab dekgiga yeilimenaʾ ara, men wel yeilimak nim ek dekdaknesilim, aboka orugok.

LUKAS 12:20

Bok Imik Neyung adya benyek lebokaʾ ara, Wei, dongdang anaʾ anya ululam! An nong ara sumen inimnek somoganalam dara, anja nidyaʾ bolowoka beillilelam bonaʾ era heknedya an lunuwoka danamla do? hyok.

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

LUKAS 16:1

Yesus ara alja yuba doro diriga ban nang ek lebsukaʾ ara, ”Nimi ben hnon dubnya ulumok. Ban dubnya bera alja bonaʾ amba rupiah wa meewoka welemoknya hnon ulumok. Yok sum enyek, ban dubnya bek, anja rupiah salawoka bo uboka memelenggelnya bera, alda anja rupiah dengaboka delenggel aboka nekek.

LUKAS 16:3

”Dara ban bonaʾ dubnya bedya rupiah sala ulumoknya bedya seiniwok dara, nara wa wenenaʾ gwab lobnelom henelaʾ anasa, hekaʾ hubnamna do? Nadya neyung bera nak hyak gobdo lobnunaʾ aboka ubnel. Gwaneng wa welemnesinya bok, nara hmengnya bek ulumna; molonaʾanya danesinya bok, alya anasa lek.

ROMA 14:12

Anasa, nunda yok-yok aljaʾ saramek sekoka, nara anasa-anasa unulamsa aboka al hogung ak laga wenyhenemab.

1 KORINTUS 1:11

Hem yab o, ban wenyhenya nera, Kloe ek nim edya, nak Korintus nim era doluwoka bokdangoka ulumak aboka neknyekaʾ anasa, lebna.

1 KORINTUS 4:2

Wera, ban unuwoka arawoka welemak nang ara, wa ara yoknya bedya welelulum aboka, oruklesil dara, or pe bojam unulunok.

1 KORINTUS 4:5

Anasa wera, ugunja men, bera malya ubla, bera pewal aboka, berra aboka yana leleldanggom. Alda diri ulumunaʾ ara Wenelelesilnya bedya yalyekanya, al adya yok-yok damoka nidyaʾ gunaʾ lomok sam doknolomlaʾ ara, poboka laga nenewanamla. Imik Neyung adya, onoʾ nimi ganya lomok mouboka seinilemaknya nera, laga nenewanamla. Ban sum enyek, nimi nidyaʾ ara, Imik Neyung adya sikenek unuro yana lelewoka gigiwanesil.

2 KORINTUS 5:10

Nunda nidyaʾ ara aldib Kristus adya yana lelewanasilaʾ ak sam bo beil binisil. Wera sokok an wen ulumab salek enyek, pe unulumabaʾ gom, malya unulumabaʾ gom ara, nunja unulumabaʾ sunuwoka deknesil.

1 TIMOTIUS 4:14

Ununumnaʾ lelemek nang edya ansamba hnon orowek geklewoka lebjeekanya, nimi bo usin nang edya anak soruka luluwoka, Imik Neyung ak alda ban wa welemnamla aboka soruk diyinjekaʾ adya, ban unu welelomaʾ aboka elegenjeknya nera, beillonggom, mem.

1 TIMOTIUS 5:24

Hnon nimi malya unaʾ ara, anam henga goubuka yana lelewanggunabok laga dangalamla. Bok, hnonda seleb henga goubuka laga yana lelewan danyek, laga dangalamla.

1 PETRUS 4:10

Imik Neyung adya yok-yok eleknaʾ eleklesilaʾ ara, ugumbabya yok-yok sunuwoka webnesomaʾ sunuwoka dolum. Imik Neyung adya eleklesilaʾ doboka welemak nimi beknaʾ ululumaʾ anasa, ugunja webnesomaʾ geknelemla wa nera, yok nim emba webnun senen ganya boboka pe welelulum.

1 PETRUS 4:5

Bok onoʾ sikbabya, eimik embengaʾ ulumak nimi hnon, seleb sogomek nimi hnon, yana lelewanasilnya Imik Neyung be yanamla sum enyek, sikba nunda anaso ulumab aboka laga lelewanamak.

WAHYU 20:12

Dara onoʾ nimi nidyaʾ, mek nimi, nauba nimi, seleb somogorobnya nera, senenggom ekla bunaʾ beremek sam seklemekaʾ ak eibsa. Anya, momnya dolomok buku gong era, pika bakloro yibuk. Dara onoʾ yok buku hnon, nim embengaʾ un buku enyek, hnon bakok. Wera nimi nidyaʾ somogomek nim, embengaʾ ulumeka wenyek, sikja unulumek ununaʾ gong era, buku enyek an momnya dolosukaʾ sunuwoka, sikenek yana lelewosuk.