LUKAS 16:19 - PERJANJIAN BARU NALCA YUBA

¹⁹ ”Nimi ben hnon bonaʾ dubnya ulumok. Boksom ara hyak perob nong boksom ok ongowoka, denaʾ ara hyak sobaʾ perob denaʾ ok delsinilemok.

LUKAS 16:19 Σταυροειδείς Αναφορές

MARKUS 15:17

Dara, sikja Yesus ak mouk dok bokaʾ akleng ongoyiwoka, gal si henga gwanewoka Yesus adya huk ak gwaragiyiwek.

MARKUS 15:20

Wera nauba sene seleb wenyabgogowek dara, mouk dok bokaʾ akleng ongiyimekaʾ ara gwiriwoka, aljaʾ yokaʾ akleng ongiyiwek. Dara wera, oboka glabnobaʾ aboka, doboka bo gobek.

LUKAS 15:13

Lika wen mabok dara, naba me nera, alja bonaʾ dara dobgogowok dara, mok heikek byuk. Wera mok bilimok heikek ab dara, bo bilimok rupiah era, malya unaʾ uboka, dek menegemok.

LUKAS 16:1

Yesus ara alja yuba doro diriga ban nang ek lebsukaʾ ara, ”Nimi ben hnon dubnya ulumok. Ban dubnya bera alja bonaʾ amba rupiah wa meewoka welemoknya hnon ulumok. Yok sum enyek, ban dubnya bek, anja rupiah salawoka bo uboka memelenggelnya bera, alda anja rupiah dengaboka delenggel aboka nekek.

LUKAS 16:18

”Heknedya alja gel gek lolomlakanya, onoʾ yok gel ge dolomla dara, alda yok nang gel gek hokaʾ dololanya ulumla. Anya seleb lomna gel genyek dololanya beb dara, albabya yok gel hokaʾ salalanya ulumla,” hyok.

LUKAS 16:20

Ban dubnya bedyaʾ pik sindamak sam ara, bonaʾ garanya gororomaʾ adya malya uboka delemoknya alja si nera Lazarus bek beil yalamek. Alja nong era gororomaʾ adya deknewoka delemok.

WAHYU 17:4

Dara ban gel gera, goronokaʾ houm-houm arobaʾ hnon, imengen gwaneng bunduk anaso boksom hnon ongowoka, emas ab, meilik ab, dangman ab, bonaʾ danyek urugoka, gereng yaleng amok gel gek bulumok. Dara alja sorukuk ara, alak salawoka ulumekaʾ hyak malyaʾ sembejaʾ enyek, emas adya mek hmeiyek sala bulumok.

WAHYU 18:16

lebnemakja, Lokja, alda si sinaʾ heik bok, malyaʾ nong anyek dobla! Alda namen boksom ab, goron boksom ab, imengen gwaneng bunduk boksom ab, ongowoka, meilik ab, dangman bonaʾ ab, emas ab dadya, e diblelabok unuwal!

WAHYU 18:7

Hnonda alak ara, nauba perobnya benya anaʾ ab, dub dangoka pe ulumokaʾ sunuwoka, ganya okna danganaʾ ab, ganya soloma dabnaʾ ab, danyek alak eleganalam. Hnonda al nong anasa, sobaʾ leleladya, Nara nenya somogamna gel gomaʾ, nara wenewoka usin dub gel! Anasa nara ganya okna dabsinaʾ ara, hnon nak dobnenggunusinya, wenyaboka nonggo alamla.