LUKAS 16:1 - PERJANJIAN BARU NALCA YUBA

¹ Yesus ara alja yuba doro diriga ban nang ek lebsukaʾ ara, ”Nimi ben hnon dubnya ulumok. Ban dubnya bera alja bonaʾ amba rupiah wa meewoka welemoknya hnon ulumok. Yok sum enyek, ban dubnya bek, anja rupiah salawoka bo uboka memelenggelnya bera, alda anja rupiah dengaboka delenggel aboka nekek.

LUKAS 16:1 Σταυροειδείς Αναφορές

MATIUS 20:8

”Wera hyak sin dangoka inibok dara, wa damnya bedyaʾ alja wa keeboka unya bek, Anda nadya wa welenyak nimi nidyaʾ yoululum aboka, sikja deknaʾ era, eimik wel yeilimak nim ek ab dekgiga yeilimenaʾ ara, men wel yeilimak nim ek dekdaknesilim, aboka orugok.

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

LUKAS 15:13

Lika wen mabok dara, naba me nera, alja bonaʾ dara dobgogowok dara, mok heikek byuk. Wera mok bilimok heikek ab dara, bo bilimok rupiah era, malya unaʾ uboka, dek menegemok.

LUKAS 15:30

Bok, anja me nera anja bonaʾ era malya ulumak gelewa pik bokoka orok nenewok me nenyek anam yanggal sab-sab, neyung anda na me eibna bar aboka, mesaʾ nong pam enyek oboka youblam! aboka lebok.”

LUKAS 16:19

”Nimi ben hnon bonaʾ dubnya ulumok. Boksom ara hyak perob nong boksom ok ongowoka, denaʾ ara hyak sobaʾ perob denaʾ ok delsinilemok.

LUKAS 16:2

Anasa dubnya bera rupiah beiyiboka memelemoknya bek e yeiniboka lebokja, hekaʾ ak nara ansamba yub era kemna do? Wenera nadya wa welenelemaʾ anyek, nara unu pe welemna aboka nidyaʾ lelewoka neknenelem. Anda sum enyek moruwoka eimik era, nadya rupiah salawoka bo unya unggulumnunelem, hyok.”

LUKAS 19:20

”Dara yoknya ben hnon yeiniboka, Neyung o, anja rupiah yubaʾ elegenulumaʾ ara, nadya hwin lubuldanaʾ lomok doronggoka beibsaʾ ara, wera onsok an dam nang bo elegel yagen.

LUKAS 8:3

hnonda Herodes dubnya bedyaʾ ek sam rupiah beilinaʾ wa welemoknya, Khuza bedya gel Yohana geb, Susana geb uboka, onoʾ yok gelewa nauba neikaʾ yabalamek. Dara gelewa danedya, sikjaʾ yok-yok bonaʾ edya Yesus ab, alja yuba doro diriga ban nang eb aralesik.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

YAKOBUS 4:3

Ugunja mololumaʾ ara nunok ok pewosulul senen ganya boboka, malya uboka mololelumaʾ anasa, ugunda molowanaʾ anaba eleknaʾ lobsin dara yokaʾ-yokaʾ hnon donggululum.

1 PETRUS 4:10

Imik Neyung adya yok-yok eleknaʾ eleklesilaʾ ara, ugumbabya yok-yok sunuwoka webnesomaʾ sunuwoka dolum. Imik Neyung adya eleklesilaʾ doboka welemak nimi beknaʾ ululumaʾ anasa, ugunja webnesomaʾ geknelemla wa nera, yok nim emba webnun senen ganya boboka pe welelulum.