LUKAS 15:24 - PERJANJIAN BARU NALCA YUBA

²⁴ Nadya me nera seleb somokdowokaʾ ara, wera onsok embengaʾ dangoka yal. Alda dengarowok bok, wera onoʾ saaboka onsok eibnaʾ anasa, denaʾ neikaʾ hiboka denemab, aboka, wera sikda hyak nauba masa youboka deregoka eiya hlalamek.”

LUKAS 15:24 Σταυροειδείς Αναφορές

MATIUS 8:22

Bok Yesus adya alak lebnemokaʾ ara, ”Somoklomak nim era, sik moumen soko lokoldalanok, alda anda nak diriga yanenelem,” hyok.

MARKUS 8:22

Wera Yesus ab, alja yuba doro diriga ban nang eb dara, Betsaida moka byik. Dara anyeganara, nimi heng umoknya ben hnon bo yeindeboka, sikda Yesus ak alja soruka diyiboka hweblulaʾ aboka, molowek.

LUKAS 10:19

Ugunda banyek pe kebnalum! Ugunda bagaʾ ab, siribnaʾ ab, yok isaʾ nang migib ab, ugunuk sam hnon malya nenesinaʾ orokaʾ anyek, yan ingib saboka hmenga nenelelulumaʾ aboka nadya migib era ugunuk elegeisisa.

LUKAS 15:23

Seleb unubgogowoumun dara, mesaʾ nong sapi pam me nenyek doboka oboka youbmun dara, nunda eiya hlaboka neikaʾ dero weknemab.

LUKAS 15:25

”Ban unulumek salek era, yandonya bera alda beiyek sam wa anam welemok. Wera sinik enyek e berem yalamok enyek, benggong yub ab, nimi yan dildilib anaʾ ak kebok.

LUKAS 15:32

Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.

LUKAS 15:4

”Nimi ben hnon, alja domba pama denga winilya so beiyimso bok, hnonok weiningganamso dara, pam damnya bera hekaʾ hubnamso do? Al pam damnya bedya dara, yok pam dara, or yuʾ ak loboka, weininggamso pam enyek eibnunaʾ aboka el binimso goma?

LUKAS 19:10

Nimi dibaʾ me ara, weiningdangamoknya nenyek eboka blebnunaʾ aboka yeilimok,” hyok.

LUKAS 9:60

Danyek Yesus adya lebnemokaʾ ara, ”Nimi somoklomak nim era, sik dam nang soko lokol dalanok, alda anda Imik Neyung ara hekaʾ huboka wenelemnesilaʾ anyek, yok-yok moka bo lel elegel binilam,” hyok.

YOHANES 11:25

Dara Yesus adya, ”Nara nim embengaʾ bukullilisinya uboka, nim embengaʾ nenelesinya ulumnaʾ anasa, heknedya nak dib senewoka dolonelnya bera, seleb somogamlyaʾ anaba embengaʾ bukiyiwanamna.

YOHANES 5:21

Anasa wera, neyung beneba somogamna nim embengaʾ bukiyiboka sikenek embengaʾ unaʾ eleklesil sok, alja me neneba neikso, nadya embengaʾ elegonun senewan nim ek embengaʾ eleklesil.

ROMA 11:15

Anasa sikja nunda lek hyek adya, yok mok soko nim enyek, Imik Neyung ab neikaʾ hibek. Dara ganya or perob senewoka dobneseng dara, wera somoknaʾ nang ek ab embengaʾ ulumak bok, yok damok hnon lanawanamso de?

ROMA 12:15

Eiya ganya bolomeija nang eb dara, neikaʾ eiya hlalalulum, bok engelemeija nang eb dara, neikaʾ engelelulum!

ROMA 6:11

Wera anasa, nunda malya unaʾ amba leboka seleb an unu somogomouba, bok Kristus Yesus lomok Imik Neyung amba leboka embengaʾ ulumabaʾ ara, ugunda nenyek hyak al dib senewoka, pe beklemnelum.

ROMA 6:13

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

ROMA 8:2

Dara Kristus Yesus pik uboka, unuwanalum an yub edya embengaʾ unaʾ eleklesil Geisinya damok migib adya, ugunda malya unaʾ damok ab, somoknaʾ damok ab, seleb lob lobsuk.

1 KORINTUS 12:26

Yan ak oka del yabasin dara, wera nonga nidyaʾ ak oka dero lolosil. Soruk ak gom alda pelemla aboka gibel yaban dara, yok-yoknya neneba nidyaʾ perob aboka eiya hlalamak.

EPESUS 2:1

Ugunda youmaʾ dara, ugunja meknenaʾ malya unaʾ lomok ululumaʾ adya, ganya ak dara, seleb somogolum bok ululum.

EPESUS 2:5

wera nunda meknelemouba salek era, ganya ara seleb somogouba ak sam anam ulumouba bok, Imik Neyung adya nub Kristus ab neikaʾ embengaʾ suboka bukiyiwosuk. Dara, Imik Neyung ganya anyek hyak perob nong adya ok, alja wanaʾ uboka eleksinaʾ adya ugun nong ara seleb blebsuk.

EPESUS 5:14

Nenesa leboka yuba hnon ulumlaʾ ara, ”Anda hogunga malalamnya bera buklom, nimi somoknaʾ ak ab goboka buklom. Dara an nong ak Kristus adya dilinaʾ era, yebdo yibinenggel,” hyok.

KOLOSE 2:13

Dara ugumbabya youmaʾ dara, ugunja meknenaʾ hnon ugunja sobaʾ malya ululumnya lomok uboka hnon, anedya ugunda seleb somogoka ululum bok, wera Imik Neyung adya Kristus ab neikaʾ seleb embengaʾ gebsuk. Anya, nunja meknenaʾ hwam malya unaʾ nidyaʾ doboka bobogosuukanya,

1 TIMOTIUS 5:6

Bok nadya dobsinya bobsinya senelamna anyek nidyaʾ gigilamla youk gel gera, nong ak dara, anam embengaʾ ulumla senen bok, ganya ak dara, seleb somogamnaʾ anasoʾ ak ulumla.

YUDAS 1:12

Wera an unu malya ulumak nim eb neikaʾ delelum dara, sik nong ara, ugun gangganek sik meklaʾ ulumak. Wera delelum dara, alya orokaʾ anyek, yok nimi wanaʾ unaʾ loboka, siksamba ok nonogoka delemak. Sikja unaʾ era, kaboʾ adya debaʾ ak walawoka bo yibin enyek, moka yangganaʾ lolomla sok unulumak. Hnonda sik nong ara, gal meklaʾ gololamla li era, doka mounggulumlaʾ anasoʾ ak uboka, yarenga dama delewan enyek, yalegoka dibaʾ oulaʾ olomla sok ulumak.

WAHYU 3:1

Sardis heikek yuba donaʾ nimi lero ek, ban unuwoka momnya dobnelamaʾ ara: ”Ban yub enera Imik Neyung aljaʾ sekbadya ganya eb, sekbadya guraʾ eb, danyek salalanya bedya yub era an. Anja unululamaʾ nidyaʾ ara nara seleb ella ulumna. Anak dara, hnon nim edya dara, anam embengaʾ ulumla alanjak bok, seleb somogolumaʾ ak ululam.