LUKAS 13:8 - PERJANJIAN BARU NALCA YUBA

⁸ Bok anyagan wa welemoknya bedya dara, Neyung o, moubnamlyaʾ ak men aboka gibnaʾ danara or lobnenam. Nara gal dama nidyaʾ holaʾ hleboka lulungaʾ beibnamna.

LUKAS 13:8 Σταυροειδείς Αναφορές

LUKAS 13:7

Anasa alja wa wenya gal dok en holaʾ gerewoka memelemoknya bek, Wei, anda kendelom, ban gal enera doka moumnamla gom aboka, eboka daknunaʾ aboka, gibnaʾ winilya kemel yan bok, wera gal doka hnonok sibin anaba mounaʾ eibnenggubna. Gal era, sokok mesaʾ salyaʾ orok nenewoka delemlaʾ anasa, wera webnelam! hyok.

LUKAS 13:9

Gibnaʾ enyek leblya dara, doka moubnelulaʾ. Bok alda hyak gobdo mounaʾ orok danyek, wera neyung webnelum aboka oruganasilim, hyok,” aboka Yesus adya lebok.

LUKAS 14:35

Dara masa weboka men damba lulungaʾ anaba hnon, masa mesaʾ pen damba anaba, perob danggunumla. Alda unuwal bar aboka boloknaʾ ok boloklemak. Ugunda o yakaʾ ara, pe keblulum!” hyok.

ROMA 10:1

Hem yabo nang o, nadya ganya era sikbabya blebsulul senewoka Imik Neyung ak heng uboka mololamna.

ROMA 11:14

Wera anedya nara nim ek sam dara, nadya mok soko nim ek sikja ganya soloma gebnesisinya adya, sikenek nimi wene nimi hnon blebnesisinya.

2 PETRUS 3:9

Nim adya dara, Imik Neyung adya unu eleganesin hyokaʾ hnon mandelemla senen ganya bolomak bok, alda anaso ununggulumla. Bok Imik Neyung ara, ugunuk hnon somogeijek senelamlaʾ anasa, or anam siklewoka ulumla. Imik Neyung adya dara, nimi nidyaʾ malya unaʾ loboka, eibkweboka ganya dangawanok senelesil.