LUKAS 13:6 - PERJANJIAN BARU NALCA YUBA

⁶ Ban wenyabgogowok dara, Yesus ara ban sununaʾ enyek sunuwoka lebokaʾ ara, ”Nimi ben hnon den gal alja wak sam memok. Yok sum enyek, gal doka eboka daknamna senewoka bilimok bok, hnonok sibin anaba eibnenggumok.

LUKAS 13:6 Σταυροειδείς Αναφορές

LUKAS 13:5

Anadya gomaʾ, orok! Ugumba malya unaʾ ak ab ganya dangawanggunulum dara, sikba somogek sok, ugumba unu somoganalum amnaʾ anyek, ugunda pe beknelum,” hyok.

LUKAS 3:9

Dara ya ara gal yarengek sam seleb orowek dibok. Anera gala nidyaʾ yok-yok doka pe mounggulumnelanya nera, eimik era weboka uk lomok dobdabnamla,” wenyaboka lelemok.

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

PILIPI 4:17

Wera nera nak dara, ugunja beibnulumaʾ anyek ganya dibyooka donaʾ ok dob lobnun senen ganya bonggulumna. Alda nadya dara, nim Imik Neyung yuba doboka ulumak nong unaʾ enyek ugunuk sam nauba dosulul senelamna.