LUKAS 13:16 - PERJANJIAN BARU NALCA YUBA

¹⁶ Yo, anasa anyagan ara gela hnon Abraham nimi yilaʾ ak neiknaʾ salawoka Satan bedya goubmoruwok salek era, gibnaʾ sago daraʾ badya lebokaʾ ak ulumla. Al nong ara, Sabat mem sum era bleboka loboka hwebnenggunuseng de?” hyok.

LUKAS 13:16 Σταυροειδείς Αναφορές

MATIUS 4:10

Yesus adya Iblis ak, ”Satan o, anda hyak bilom! Imik Neyung yuba bukuk sam momnya dobokaʾ ara, Anjaʾ Wenelenggelnya, Imik Neyung bek giblemenekanya, alak ok arawoka welelom! wenhyok,” hyok.

MARKUS 2:27

Dara onoʾ Yesus adya sikenek, ”Sabat mem sum alalum sum era, nim amba uyimok, dara nim ara, Sabat mem sum amba uyiwanggumok.

LUKAS 16:24

Anasa dubnya bedya lelemokja, neyung Abraham o! Nak angoo yadyek senewanelom e. Lazarus benyek, alja soruk enyek mek ek doronggalyekanya, nadyaʾ silyum ak an dil younululaʾ aboka orugalom. Nara uk lomok an hyak nauba gweklamna bar! alamok.”

LUKAS 19:9

Dara onoʾ Yesus adya alak, ”Beneba Abraham nang yilaʾ ak anasa, sumen nong ak, e nenyek an Imik Neyung adya blebsilikanya, wenyek dib embengaʾ unaʾ elegeisil.

LUKAS 3:8

Wera anasa, nunda seleb malya unaʾ ak ab ganya danganaʾ geknewolul aboka, anyek sunuwoka beknaʾ okoka unulululum. Anya ugunja ganya lomok ara, Abraham bera nunja neyung ulumlaʾ anyaʾ seneldanggom mem! Anasa nara ugunuk wenyhenesin, Imik Neyung ara ban girik danaba nimi geboka, Abraham nang yilaʾ dangiyiwanemso!

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

RASUL 13:26

”Wei, hemyab o, Abraham nang yilaʾ hnon, onoʾ yok nang bok Imik Neyung ak lok ganya boboka anyagan longolum nang nidyaʾ ak lebsin, Ban Imik Neyung adya nim embengaʾ blebsin yub ara, nuk bokol yeilisuk.

2 TIMOTIUS 2:26

Wera anadya sikja nunda anyek ulumabaʾ aboka ella ubdanamak. Anya sikda Iblis adya nadya yuba kelelulum aboka, sikenek gliboka bo biniboka henga weboka youlusil ak ab blebnesil aboka unulumnesil.