LUKAS 12:1 - PERJANJIAN BARU NALCA YUBA

¹ Nimi denga sal-salyaʾ anyek dokol dalameekanya, yan ingib sabdangda balamek. Wera nimi dara mamagal yalamek dara, Yesus ara alja yuba doro diriga ban nang ek, ”Ugunda Parisi nang edya roti welenaʾ enyek keeboka diri uldalalulum. Nadya lebnanya nera, sikja sene or-or lelesaknya nenyek lebna.

LUKAS 12:1 Σταυροειδείς Αναφορές

LUKAS 11:44

Ugunda hyak omom nong nang ek ululum! Ugunda nimi soko lokomna oulyang ek beknaʾ beibnenggumna ek, yok nim eibnenggonggom yan ingiwoka yabalemak oulyang anaso ak ululum,” hyok.

LUKAS 12:56

Ugunda hyak sene or-or uboka gununaʾ hwam nang o! Ugunda mok soko ima hogung ak keeboka sum era anaso unuwanamla aro lelelum. Alda wen an ulumab salek ululanya nera, ugunda hekasa anasoʾ unuwanamla anggululum do?” hyok.

LUKAS 5:1

Dara onoʾ yok sum enyek, Yesus ara Genesaret mek gwan gek sam biniboka sekemok. Dara, nimi nauba Imik Neyung yuba kebnobaʾ aboka al nong ok sam obgokdangoka yalamek.

LUKAS 5:15

Bok Yesus amba yub era, mok soko nidyaʾ nauba so oboka lelero yabalamok dara, nimi nauba alja yuba keboka dobgiga, hnonda neiknaʾ hwebsululaʾ aboka yalamek.

LUKAS 6:17

Dara Yesus ara meinik abaʾ ara, alja yuba doro diriga ban nang eb, yanggalamek ara bluk soklorobaʾ ak sam yinggyik. Dara anyeganera, onoʾ yok yuba dolomek nang eb, onoʾ yokmok-yokmok, hnonda Yudea sokok sam ab hnon, Yerusalem heikek ab hnon, yali sam penya mek gemek sam Tirus mok eb, Sidon mok eb yeindeboka longomek.

RASUL 21:20

Paulus bedya ban wenyaboka nekesuk anyek seleb kemek dara, perob aboka sikda nidyaʾ Imik Neyung ak giblemek. Danyek onoʾ sikja Paulus bek, ”Hem Paulus o, Yahudi nimi yokaʾ nong ara deng sal-salyaʾ anyek Yesus ak dib senelemak. Sikda Musa bedya unuwanalum an yub ek perob senewoka ganya oloklemek nang bok, Yesus ak dib senemek.

1 KORINTUS 15:3

Hemyab o, nadya ugunuk yokaʾ-yokaʾ leb elegesisaʾ ara, nadya seleb dobsenya nek leb elegesisa. Imik Neyung yuba momnya dobok sok, hyak dib nong ara, Kristus somogok ara nunja malya unaʾ enesa somogok aboka, seleb leb elegesisa.

IBRANI 12:22

Bok ugunuk dara, Sion meinik, Imik Neyung embengaʾ ululanya bedya heikek, Yerusalem imik heik adyaʾ ak sam ab, anya salyaʾ dengsalyaʾ anyek longowoka eiya hlalamak lero nang ek sam ak, seleb youlum.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

1 PETRUS 2:1

Anasa wera ban nenesa leboka, ugunuk ab nidyaʾ yu hwamaʾ ara gwiriwoka loblulum. Sondaʾ lenaʾ ab, sene or-or unaʾ ab, hman ganya boldanaʾ ab, yok nimi geklewoka derewoka wanaʾ nidyaʾ ara hyak loblulum.