LUKAS 11:9 - PERJANJIAN BARU NALCA YUBA

⁹ Anasa wera, nara ugunuk banyek dib lebsin, mololomun dara, eleganesil; elemun dara, eiriwanalum; pika glorum-glorum alamun dara, ugunsamba pika baknesil.

LUKAS 11:9 Σταυροειδείς Αναφορές

MATIUS 21:22

Anya ugunda al unuwanamlaʾ anyaʾ dib senewoka, ugunja heng uboka mololemnelumaʾ nidyaʾ ara, anera gigiwoka dobnelum,” hyok.

MATIUS 21:31

Anasa ban penya mabo dara, hek me nek sikjaʾ neyung bedya senemokaʾ ara gigiwoka unuwok do?” wenyaboka heibsuk. Dara, Imik Neyung yuba wa gak nang eb, Yahudi dub nang eb, sikja dara, ”Yando me nek,” hyek. Anasa Yesus adya sikenek, ”Ugunda banyek dib senewanalumaʾ ara: Mok soko amba rupiah molowoka dolomak nang eb, salyaʾ malya ura yabalamak gelewa enyek, Imik Neyung wenesin heikek men weknemaakanya, ugunuk dara, orok.

MATIUS 6:29

bok Salomo bera yokaʾ-yokaʾ dubnya ulumokaʾ anaba, perob sigil esaʾ anaso ulumla hyak perob so boksom bokaʾ era hnon ongonggulumok!

MARKUS 11:24

Ban nenesa, nara ugunuk wenyhenesin, Ugunda yokaʾ-yokaʾ amba heng uboka mololelum dara, nunda ban era seleb dib dobab senewolulum. Dara, anera ugunuk aldib unuwanesil.

MARKUS 13:37

Nadya ugunuk an pe diri ulululum hesinya nenera, onoʾ nimi nidyaʾ yok nim ek anaba, pe diri ulululum wenyalamna,” hyok.

LUKAS 11:10

Anasa wera, mololemeija nimi nidyaʾ ara, dorowanamak, elemeija nimi nidyaʾ ara, eiriwanamak, pika baksilom aboka glorum-glorum alameija nimi nidyaʾ ara, siksamba pika baknesil.

YOHANES 14:13

Neyung bek, me adya imik nenewolulaʾ aboka, ugunja or hekaʾ ok do nadya si sibuka mololonumun dara, unulumnesin.

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

YOHANES 15:7

Ugunda nablaboka kwebdangoka ulumeibyekanya, nadya lelesin yub era, ugunja ganya lomok sam ulusilya dara, ugunda yokaʾ-yokaʾ dobsibya senelelumaʾ anyek, elegeisilom aboka mololomun dara, ugunuk eleganesil.

YOHANES 4:10

Gela ara ban wenhyok dara, Yesus adya alak, ”Anda Imik Neyung adya eleklesilaʾ ab, heknedya anak meka mololenggelaʾ ab, ella ulusom dara, anja alak molowanasom dara, alja dib embengaʾ unaʾ mek era eleganenggeso,” hyok.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

2 KORINTUS 6:2

Imik Neyung yuba bukuk ara, Imik Neyung adya, ”Nadya sumen arawanenggen senemsa sum era anja molonaʾ era, seleb kebgesa, nadya blebnamna senemsa sum era, anak aranggesa,” aro lebok. Onoʾ hnon lebokaʾ ara, ”Wera sumen era, arawanenggen senelamna sum dal. Wera sumen era, blebnesin senelamna sum ulumla,” aro lebok.

IBRANI 11:6

Bok nim ara ganya dib senenaʾ orok dara, Imik Neyung ara perob senenggulusil. Wera anasa, heknedya Imik Neyung ak yanalanya bera, alda Imik Neyung ara aldib ulumla senewoka ulumlyekanya, alda nim Imik Neyung alak elemak nim era deknaʾ eleklesil senelelul.

IBRANI 4:16

Wera anasa, nunda alja araweisiso senelamab salek era, angoo yadyek senewoka arasinaʾ ab, wanaʾ uboka eleksinaʾ ab, dobnobaʾ aboka, Imik Neyung nunja aralesilnya bek ara, asaʾ ganya boboka, aljaʾ perob eleksinaʾ saramek sam ara balanob.

YAKOBUS 1:5

Nimi ben hnon ugun gangganek an mek geremseng ululenya hnon ulumlya dara, Imik Neyung ara, salyaʾ wanggulusilnya bek anasa, heknaʾ uboka, geremseng unaʾ ara nimi nidyaʾ eleklesilnya bek anasa, Imik Neyung ak molowalya dara, alak geremseng eleganemla.

YAKOBUS 5:15

Sikja molowanamakaʾ ara, hyak ganya dib senewoka molowanamak dara, wera Wenelesilnya bedya neiklelenya bera meriyiwoka, alja malya umlyaʾ ara meewanamla.

1 YOHANES 3:22

Dara, hnonda alja yub ek pe keboka unuwoka, onoʾ alja pelemak senewoka ganya sangelesilnya nenyek unulumnamabakanya, nunda yokaʾ-yokaʾ alak moloweibyaʾ ara dobnemabaʾ ok ulumla.

WAHYU 2:24

”Bok ugun yok nimi Tiatira heikek ululum nim era, ban malya unaʾ yub ek sunuwoka ununaʾ loboka, Satan bedya hyak lomok so unuwanalum alalanya nek ara einiwoka ella danganggululum nim ek lebsin. Ugunuk an hekaʾ ulusilaʾ anyek, pe salabmoubuka ulumunaʾ moruwoka na yanamna. (Nara anak an yok igin yakaʾ ara hnon eleganggununggen.)”