LUKAS 11:54 - PERJANJIAN BARU NALCA YUBA

⁵⁴ Ban wenyalamek ek ab dara, Yesus adya malya uboka meknewoka leblya enyek, alak yana kibnobaʾ aboka kemero yabalamek.

LUKAS 11:54 Σταυροειδείς Αναφορές

MATIUS 22:15

Wera Parisi nim era, Yesus ak hekaʾ huboka sunuwoka henga weboka youbnobaʾ aboka, sene yana benel byik.

MATIUS 22:18

Bok Yesus ara sikda malya ganya boboka sene heimekaʾ anyek ella uboka, alja dara, ”Wei, ugunda hyak malya unaʾ hwam nim ek ululum! Ugunda hekasa nak heng dibaʾ weboka youbnenobaʾ aboka ulunulum do?

MATIUS 22:35

Dara, sik gangganek yuba neksinya geremsengnya ben hnon, alja Yesus ak sene sunuwonunaʾ aboka heibok,

MARKUS 12:13

Bok onoʾ dub nang edya, Parisi nang eb, Herodes bedya wa welemek nang eb, Yesus ak sene benewanobaʾ aboka alak bululum aboka orugeisik.

MARKUS 3:2

Dara nimi hnonda, Yesus adya meknewoka Sabat mem sum bok, nimi hweblya dara, alak malya nenewoka uniyiwanamab aboka, nang era dibnelemek.

LUKAS 11:53

Wera Yesus ara yuba salamokaʾ ak ara loboka bok dara, yuba neksin nang eb, Parisi nang eb dara, borowoka yok-yoknya bo doronggoka heilemek. Sikda sene yokaʾ-yokaʾ anyek nauba lelelulaʾ aboka benewoka lelemek.

LUKAS 20:20

Anasa sikja dara, pewalya sum donok senewoka pik elemek. Wera anasa sikja dara, nimi pe unulamna nang eneso anyek deknaʾ deknesabaʾ anasa, ugunja Yesus ak sene hek hulul do aboka sunuru yabalelulum, henemab. Anadya beknaʾ danamla sum era, mok soko dub nang edya sikja migib lomok doboka eleganamab, senemek.

LUKAS 20:26

Wera Yesus adya wenyaboka lebokaʾ nong adya, anyagan wekemek nang edya dara, Yesus ara ban malya unaʾ enyek okoka dib unuwokaʾ damok ara eibnenggumek. Sikda Yesus adya pe lelemok yub enyek dib lelemokaʾ anasa loka daboka yuba sanaʾ lomek.

RASUL 23:21

”Bok neyung o, Yahudi nang Paulus bera yana lelesinaʾ ak bo binimab anasa, molol yabeija dara, kenggom mem. Dara, nimi denga hnonok uboka, ebdobnya mekbadya anaso nanga pikik Paulus bobeija enyek obnob aboka webak bar. Dara, sikda Paulus anam obnenggumeibya salek era, gwaneng meka denaʾ denggunumab seleb memewoka lebgogomak. Wenebabya seleb weboka, neyung or anja lebmen yuba donok aboka umak,” hyok.