LUKAS 11:41 - PERJANJIAN BARU NALCA YUBA

⁴¹ Ugunjaʾ lomok sam ululanya nenyek, bonaʾ garan nim ek elegosululum. Ban unuwomunaʾ adya, wera ugunsamba yokaʾ-yokaʾ nidyaʾ geisa danasil.

LUKAS 11:41 Σταυροειδείς Αναφορές

MATIUS 26:11

Nimi bonaʾ garan nim era ugun gangganek ara sobaʾ ulumnamak bok, nak dara, ugunub sobaʾ neikaʾ goʾ ulwenenggulumnemab.

MATIUS 5:42

Nim adya ugunuk yokaʾ ulumlyaʾ anyek elegosululum aboka molowanasak dara, or eleganelum. Nimi hnon ugunja bonaʾ seʾ dobnamna aboka molowanasak dara, ugunja lek numok anaʾ ara mem,” hyok.

MARKUS 7:19

Anasa nimi lomok weklesilnya nera, ganya seininaʾ pik weknenggululabok, alda mon lom pik weknekanya, onoʾ goblamla,” hyok. Yesus adya ban wenyaboka lebokaʾ ara, denaʾ nidyaʾ ara or denaʾ ok hyookanya lebok.

LUKAS 12:33

Ugunja bonaʾ rupiah dekoka doboka, dobmun rupiah era, bonaʾ garan ulumak nim ek elegolulum. Ban unulumun dara, ugunja songa leboka blobnenggunumla rupiah beilinaʾ memelelum, nera imik heikek beillilesil bonaʾ dibaʾ ara an. Ban bonaʾ era hokaʾ donaʾ orok uboka, gereremaʾ denggunumla.

LUKAS 16:9

Dara onoʾ Yesus adya hnon lebokaʾ ara, ”Ugunda pe keblulum! Sokok an bonaʾ era malya dalya sum era, ugunda pe embengaʾ ulumak heikek doro beibsululaʾ aboka, wera nadya hemyabo nauba donulul senewoka, sokok bonaʾ enyek doboka bololulum,” hyok.

LUKAS 18:22

Yesus ara ban nenyek kebok dara, alja lebnemokaʾ ara, ”Hyak hnonok anam or anaso unuwanalamaʾ ara, anja bonaʾ nidyaʾ ara dekoka rupiah dobmen dara, rupiah era bonaʾ garan ulumak nim ek boknesilim. Dara anda imik heikek ulumla bonaʾ enyek dobnelam. Ban unubgogowamen dara, anda nak diriga yananelem,” hyok.

LUKAS 19:8

Wera ek ab dara, Zakheus bera sekoka Yesus ak, ”Wenelesilimnya o, dibaʾ unuwanamnaʾ ara nadya bonaʾ nidyaʾ ara hnoumunga gaboka, bonaʾ orok nang rupiah deknyekanya, bokoka eleganesin, dara onoʾ nimi nidyaʾ nadya sondaʾ leboka usisa nang era, sikba onsok lunuwoka, dombadya anaso sounuwoka eleganesin!” hyok.

RASUL 10:15

Bok onoʾ Petrus bek hnon saawoka lebok ara, ”Imik Neyung adya or seleb perob nenemoknya nera, anja dara, malyaʾ aboka wenyanggom,” hyok.

RASUL 11:29

nimi nidyaʾ Yesus yuba doro diriga ban nang edya yuba saboka, numba bolomabaʾ sunuwoka, nunja hemyabo Yudea sokok ulumak Imik Neyung mab enesa, elek arawanamab aboka yuba samek.

RASUL 24:17

”Nara gibnaʾ wen Yerusalem heikek unggulumsa ara, onoʾ wenyok ara, nadya mok soko nim emba sikenek arasik bonaʾ enyek, boboka onoʾ Imik Neyung ak gibgiga yokaʾ-yokaʾ beil bunun aboka anasa Yerusalem heikek yeilimsa.

2 KORINTUS 8:12

Imik Neyung adya dara, unaʾ orok digumaʾ ak sununggulumla, alda seleb ululanya nok sunulamlaʾ anasa, ben hnon ara ganya doboka hyak arawonun senewoka eleklamlya dara, Imik Neyung ara perobaʾ leboka dolomla.

EPESUS 4:28

Nimi hokaʾ dololenya bera, hoga donaʾ ara wera loblul. Alda bera alja yokaʾ nong ok anyeb, bonaʾ garan ulumak nim ek elegousululaʾ aboka, alja soruk yokaʾ edya perob wa welelul.

TITUS 1:15

Nimi ganya geisa ulumak nim ek dara, yokaʾ-yokaʾ nidyaʾ ara geisa deng ok ulumla. Bok nimi yuba okoka ganya goluwoka donaʾ loboka, ganya sembejaʾ adya ok goluwoka ulumak nim era, sikja sobaʾ seininaʾ ab, sikja mek ganya seininaʾ ak ara, seleb sembejaʾ ok dokaʾ anasa, geisa unaʾ ara mekaʾ me anaba unggulusil!

IBRANI 13:16

Anya arabdangoka pe ununaʾ ara, ban ununanya nenyek, Imik Neyung ara perob senelamlaʾ anasa, ugunda yok nim eb arabdangoka pe ununaʾ ara hileknenggom mem.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

YAKOBUS 1:27

Imik Neyung adya nim ek yuba donaʾ ara, yuba pe dib senenaʾ ganya ab, neyung Imik Neyung bek dib senewoka bojam unaʾ damok alja perob senelelanya nera, genonga neyung orok mab ek pe arawoka, onoʾ nenya orokaʾ yamen nim unuruwaʾ oka kwelesil nim ek pe arawoka, sokok anyeb malya ub eleganelyek senewoka, pe diri uldalamak nim era pelemakaʾ ara an.