LUKAS 10:42 - PERJANJIAN BARU NALCA YUBA

⁴² Bok alda dib nongaʾ ara hnonok ulumla. Anya Maria gek dara, alak ab yokaʾ adya salyaʾ dobnenggunumlaʾ perobaʾ anyek, weboka dobla,” hyok.

LUKAS 10:42 Σταυροειδείς Αναφορές

MARKUS 8:36

Nimi be hnonda sokok ulumlaʾ nidyaʾ ara, aljaʾ ok dangamso bok, benyek alja nong unaʾ ara denghenemso dara, nera perob de?

LUKAS 10:39

Marta gera alja weisa yak gel, anya gel genedya si nera Maria. Ban Maria genera Yesus dam oka bukoka, Yesus adya lelemok yub enyek, pe kero bulumok.

LUKAS 11:1

Wera onoʾ yok sum enyek, Yesus ara gakdenaʾ ak albeyok heng uboka mololemok. Seleb heng uboka molobgogowok dara, alja yuba doro diriga ban nanga ben hnonja Yesus ak, ”Wenelesilimnya o, Yohanes Pembaptis bedya alja yuba donaʾ nang ek, hekaʾ huboka heng uboka molowanokaʾ aboka neksuk sok, ambabya nuk neksilom,” hyok.

LUKAS 12:20

Bok Imik Neyung adya benyek lebokaʾ ara, Wei, dongdang anaʾ anya ululam! An nong ara sumen inimnek somoganalam dara, anja nidyaʾ bolowoka beillilelam bonaʾ era heknedya an lunuwoka danamla do? hyok.

LUKAS 12:33

Ugunja bonaʾ rupiah dekoka doboka, dobmun rupiah era, bonaʾ garan ulumak nim ek elegolulum. Ban unulumun dara, ugunja songa leboka blobnenggunumla rupiah beilinaʾ memelelum, nera imik heikek beillilesil bonaʾ dibaʾ ara an. Ban bonaʾ era hokaʾ donaʾ orok uboka, gereremaʾ denggunumla.

LUKAS 16:2

Anasa dubnya bera rupiah beiyiboka memelemoknya bek e yeiniboka lebokja, hekaʾ ak nara ansamba yub era kemna do? Wenera nadya wa welenelemaʾ anyek, nara unu pe welemna aboka nidyaʾ lelewoka neknenelem. Anda sum enyek moruwoka eimik era, nadya rupiah salawoka bo unya unggulumnunelem, hyok.”

LUKAS 16:25

”Bok Abraham bedya benyek lebokaʾ ara, najabo banyek seiniwanalam: anda or anam embengaʾ ululum dara, perobaʾ ok doboka boboka delelum, alda Lazarus bek dara malyaʾ ok doboka dereklemok. Amba wenyek dara, Lazarus bera perobaʾ ak bukla bok, anak dara, nauba gweklelam.

LUKAS 18:22

Yesus ara ban nenyek kebok dara, alja lebnemokaʾ ara, ”Hyak hnonok anam or anaso unuwanalamaʾ ara, anja bonaʾ nidyaʾ ara dekoka rupiah dobmen dara, rupiah era bonaʾ garan ulumak nim ek boknesilim. Dara anda imik heikek ulumla bonaʾ enyek dobnelam. Ban unubgogowamen dara, anda nak diriga yananelem,” hyok.

LUKAS 8:18

Wera anasa, ugunda seleb keblumaʾ anyek pe keeboka seiniwanalum. Anasa heknyek nauba ululanya bera, makoka elek sounuwanalabok, heknyek mekaʾ ulumlakanya, hnon ulunel senelelanya neneba, nidyaʾ alak ab dorowanamla,” hyok.

YOHANES 11:1

Betania heik nimi si Lazarus, alja weisabo si Maria geb, Marta geb, neikaʾ ulumek.

YOHANES 11:19

Wera sikja dong be Lazarus seleb somogomokaʾ anasa, Yahudi nanga nauba, Maria geb, Marta geb dak, sikja ek sam nimi saleka bul yeilimeekanya, ganya hek elekgiga yeilimek.

YOHANES 12:3

Ban salek enyek, Maria gedya hyak perob gen-gen songa ngikildan meka doboka, Yesus alja yan sang ak ngikemookanya, onoʾ alja hong adya lubumok dara, sikja e nera neik mek song ok gee alamok.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 4:14

nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

YOHANES 5:24

Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

1 KORINTUS 13:3

Wera onoʾ nadya bolosinya bonaʾ era, bonaʾ garan nim ek nidyaʾ salyaʾ bokoka, na nong anaba or uka dabnululum aboka, bo elegeldal balasinyaʾ anaba, nara yok nim ek wanaʾ unaʾ orok dara, nadya nidyaʾ unulusinenya nera, gobdo salyaʾ lelem dananeso.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.