LUKAS 10:34 - PERJANJIAN BARU NALCA YUBA

³⁴ Dara ok berem biniboka, alja omek menengaʾ mek elegoka, ngiknaʾ mek adya ngikoka, kenaʾ adya keboka hwemok. Ban nen seleb unubgogowok dara, alja abaksin pam ek bukiyiwok dara, dekoka man ek bo biniboka, meewoka hwero bo mabok.

LUKAS 10:34 Σταυροειδείς Αναφορές

MARKUS 14:8

Ban gel genedya unuwalnya nera, alja unuweisinya senelanya nera an unuwal. Ban gel genera nak soko loknenyakaʾ amba perob song mek enera, men orowek nadya nongok yek goluwanel.

LUKAS 10:33

Bok, onoʾ neik pik era, Samaria nanga ben hnon balamok. Wera ban ben oboka beiyimekaʾ eibuk dara, alja ganya hyak angoo aboka yadyeka wanaʾ dabok.

LUKAS 10:35

Ampum maboka gwelegok dara, hweboka bo mamoknya bedya e damnya bek rupiah penya doboka elegoka lebokja, Anyagan hweboka bo ululom. Dara, rupiah nauba so dalya dara, yok sum yanggannya dara, eleganenggen,” hyok.

LUKAS 2:7

Sikja man e nera gloʾ orok anasa, Maria gera alja yando me nengma ak beibuk. Wera me nera seleb beiyiboka boksom adya waabok dara, pam amba denaʾ eleklemekaʾ ak sam meiyimok.

ROMA 12:20

Bok anja isaʾanya bera gwaneng ok ubnamla dara, gwaneng ak elegalom; alda mek ok ubnamla dara, mek ak elegalom. Ban unuwomun adya, uk dok ara alja hukuk beillililum.

1 TESALONIKA 5:15

Malya ubnyok senewoka, onoʾ saawoka albabya diriganamna seneweijek aboka, pe kemero ulumnelum bok, ugun dam nang ak hnon, perob dolulaʾ aboka unulumunjok onoʾ nimi yok nim ek hnon, perob ok unulumnalum.