LUKAS 1:32 - PERJANJIAN BARU NALCA YUBA

³² Alda hyak imiknya danamlakanya, Imik Neyung imik ululanya bedya me aboka si silimnemak. Anya Wenelesilnya Imik Neyung adya, aljabo Daud bek dubnya bulumok ekla bunaʾ enyek, alak eleganamla.

LUKAS 1:32 Σταυροειδείς Αναφορές

MATIUS 1:1

Yesus Kristus beiyimek nang yilaʾ, Abraham bek ab uboka, Daud dubnya bek ab uboka, ulumek nimi si ara ban. Anasa Abraham bek abaʾ ara, Daud be ulumok salek enyek uboka Yesus beibek nimi yilaʾ era ban:

MATIUS 12:42

Soko sidyaʾ daknamla sum era, woru sam ab soko dub gel gera sekoka, wenyek an ulumak nimi nidyaʾ ak malya ublum aboka yana kibnesil. Ban soko dub gel gera, alda Salomo bek ab perob el danganaʾ dobnamna aboka dara, gel gera mok sam ab yanggan pika jakgiga yeilimok. Bok wenyek dara, anyagan Salomo bera mek so bok, ben hnon naubenya hnon ulumla!” hyok.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MATIUS 3:11

”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya.

MARKUS 14:61

Bok alda gobdo gelegoka, yuba mekaʾ doro sabnenggumok. Wenyek Imik Neyung yuba wa gakaʾ dubnya bedya Yesus ak saaboka, ”Anda nimi blebsinaʾ dubnya, Kristus, perobaʾ ak ululul senelemaknya bedya me de?” aboka heibuk.

MARKUS 5:7

Wera hyak nauba bii aboka, ”Hyak imik ululanya Imik Neyung bedya me Yesus o! Anab nab dara, hekaʾ hnon ulusil do? Imik Neyung si sibuka, nak ol yangganenaʾ ara lobnenelem, hen!” alamok.

LUKAS 1:15

Anasa alda, Wenelesilnya bedyaʾ saramek ab senenggomnya danamlakanya, yu mek gom, anggur dok mek ab dara, denggulumnamla. Anya alda anam beiblya salek ebaʾ ara moruwoka, Imik Neyung Geisinya adyok deknewoka ulumnamla.

LUKAS 1:35

Wenyek lero enedya saaboka, ”Imik Neyung Geisinya ara an nong ak yanamlakanya, Imik Neyung hyak imik migibaʾ ululanya bedya migib era anak golul yanenggel. Anesemba, anja eimik beibnelam me nera, alda Imik Neyung bedyaʾ geisa me alamnemak.

LUKAS 1:76

Anya anda najab o, anak dara, Wenelesilnya bedya pika meewoka yarawalom aboka, anda men mengewanelam anasa, Imik Neyung hyak imik ululanya bedya ununumnaʾ lenya aboka si silimnenjak.

LUKAS 3:16

Anasa wera, Yohanes Pembaptis bedya sikda nidyaʾ ak lebsuk ara, ”Nadya dara, wenera mek dem adya dalasin bok, eimik era hyak senenggomnya yanamla. Alja yan ongonaʾ eneba na meknya bedya dara, henga loboka gwiriwamenggom. Alja danyek, wera eimik era, ugunuk Imik Neyung Geisinya adya hnon, uk adya hnon, mek dibaʾ dabnesil.

LUKAS 6:35

Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

YOHANES 12:34

Dara nimi nauba longomek nim edya Yesus ak lebekja, ”Nunda Musa bedya unuwanalum an yuba kemoubaʾ ara, nimi blebsinaʾ dubnya Kristus bera sob-sobaʾ ulmoublemnamla wenhyokaʾ ella ulumab bok anasa, nimi dibaʾ me nek eimik imik nenewanamla alamla dara, nimi dibaʾ me nera heknyek lelelam do?” hyek.

YOHANES 6:69

Anak danyek, Imik Neyung adya geisaʾ ak bokol yeilinjoknya ululamaʾ ara, nunda dib senewoka ella ulunjab,” hyok.

RASUL 16:17

Dara, al on gel nub Paulus beb yabalemouba pik dobdo yeiniboka bii aboka ebngalogoka lelesukja, ”Ban nang danara, Imik Neyung senenggom ululanya bedya alja wa wenaʾ nang era an. Sikda ugunuk hekaʾ huboka eimik blebnesil anyek neklesirik,” aboka lelemok.

RASUL 2:30

Imik Neyung adya orowek seleb poboka, Daud be pik uboka an nang yilaʾ gangganek ab, Imik Neyung adya dubnya hnon sekiyiwanamla aboka leb elegemok. Daud bera alda ununumnaʾ lenya ulumok adya, Imik Neyung adya alak dib unuwanamna amokaʾ ara, eimik era dib unuwanamla senewoka ella uboka diri ulumok.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

RASUL 7:48

Bok, Imik Neyung migibaʾ senenggomaʾ ululanya bera, alda nimi solomak ek sam unggulumla. Nenesa leboka, ununumnaʾ lelemek nang bukuk sam momnya dobok an:

ROMA 1:4

bok Geisinya bedya geisa migib enedya, alja somoknaʾ gangganek ab suboka embengaʾ bukuk anyeb, alda Imik Neyung me hyak migibnya, nunjaʾ neyung Wenelesilnya, Yesus Kristus ulumlaʾ laga nenebdokaʾ ara an.

WAHYU 3:7

Filadelfia heikek yuba donaʾ nimi lero ek ban unu momnya dobnelamaʾ ara: ”Ban yub enera, hyak geisa uboka, hyak dib nong ululanya bedya yub era ban. Dara, Daud bedya pik baknaʾ era alja bo ulumla. Alja pika baknamso dara, nimi yok nang edya seregamenggom, anya onoʾ alja sereganamso dara, yok nang edya anaba baknamenggom.