LUKAS 1:2 - PERJANJIAN BARU NALCA YUBA

² Ban nidyaʾ yokaʾ-yokaʾ unulumokaʾ anyek, men ek ab okoka eiyiboka kemek nang edya, anya onoʾ sikja dara, yok nim ek leb elekdo yabalamak nang edya, nuk lero yeilisik sok, sikda anara lelewoka momnya dolomak.

LUKAS 1:2 Σταυροειδείς Αναφορές

MARKUS 1:1

Imik Neyung bedya me Yesus Kristus amba perob lero yanggan yuba men leb einiwok yub era ban.

MARKUS 16:20

Dara, alja yuba doro diriga ban nang era, yok-yok moka biniboka, Imik Neyung ak ab perob yub era, lero yabalemek. Dara, sikja yuba lelemekaʾ ak, dib lelemak aboka, Wenelesilnya beneba neikaʾ aralasukaʾ adya, sikjaʾ yokaʾ-yokaʾ unulumekaʾ ara, beknaʾ dibaʾ ara laga dangalamok.

MARKUS 4:14

Yinaʾ bo yamal bilimoknya bera, nim Imik Neyung yuba bo lel balamaknya nera an.

LUKAS 24:48

Ugun nong anyek, ban damok en eiblum nang ulumnelum e.

YOHANES 15:27

Dara, ugumbabya hnon, nara ugunublaboka youmaʾ ek moruwoka neikaʾ ulumoubaʾ anasa, nasamba leboka laga neklemnenulum,” hyok.

YOHANES 16:4

Eimik ubnamla sum era, al orowek nekesukaʾ ara, seiniwanalum aboka, ban lebsin. Men salek era, nara ugunuk neikaʾ ulumoubaʾ anasa, ban yuba neknenggusisa.

RASUL 1:3

Yesus ara, alda seleb somogoka embengaʾ suboka bukumokaʾ seleb dara, nara aldib embengaʾ subna bar aboka, alak diriga ban nang ek laga aabdangoka, dib nong beknaʾ gong elegosuk. Alda li denga hnonok ebdobnya mekbadya sum (empat puluh hari) sikenek aabdangdo amalasuukanya, Imik Neyung adya wenelemnesil yuba neikaʾ saboka ulumek.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

RASUL 14:25

Anyagan ara, Perga heikek Imik Neyung yuba seleb leb elekgogowarek dara, senenggom mek gwan berem Atalia heikek birik.

RASUL 16:6

Imik Neyung Geisinya adya Paulus beb, Silas beb dak, Asia mok era Imik Neyung yuba lel birijek aboka mem hyok dara, loboka sikda Frigia sam hnon, Galatia sam yuba lebgiga birik.

RASUL 17:11

Dara, Berea heikek nim era, ganya hegom aboka perob so ulumek bok, Tesalonika nim ek dara, gasa ganya bolomek. Wera onoʾ, sikda Berea nim era, Paulus bedya Imik Neyung yuba lelemok dara, sikda ganya eleleng aboka pe dolomeekanya, onoʾ Paulus bedya Yesus yuba lelesil ara, aldib gom aboka dara, Imik Neyung yuba bukuk sam sobaʾ ella danob aboka eboka einilimek.

RASUL 26:16

Anda bukoka seklom. Nadyaʾ nong anyek abdanya nera, unuwanyaakanya an nong ak aabdangoka, nadya weblom aboka an nong ak sekiyiwagen. Anasa wera, anda sumen nak ab eiblamaʾ hnon, eimik nadya eleganenggenaʾ hnon, lero yabalamnalam.

RASUL 4:20

Nunda seleb eiyinum kenum anyek lelenam ara, hyak lobnenggunusinim,” arek.

RASUL 8:4

Wera, Imik Neyung yuba dib senewoka domek nang sikenek doluwoka olosikaʾ anasa, doknol balamek ak sam nidyaʾ ara, Imik Neyung yuba nauba leb elekdo yabalemek.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

1 KORINTUS 4:1

Anasa nuk dara, wera Imik Neyung adya gegemokaʾ anyek, nuk elegosuk nim uboka, kristus ak arawoka welemak nang ulumak alasinok.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

2 PETRUS 1:16

Nunjaʾ Wenelesilnya Yesus Kristus migibaʾ eimik yanamla aboka neklesubaʾ anyek, nim adya geremseng adya, meka lelewoka salamak yub ek neknenggusuba. Kristus anyek Imik Neyung adya imik nenewokaʾ ara, nu nong adya ok ab okoka eibuba.