LUKAS 1:17 - PERJANJIAN BARU NALCA YUBA

¹⁷ Anya alda Wenelesilnya bek ab dara, alak men yuba lero bokol yangganya danamla. Dara alda Elia be ulumok sok, eili bera alaʾ me ak ganya dangawoka, ganya malya nim era pelemak nimi ganya ak dangawoka unuwanokaʾ aboka, hyak migibnya senenggomnya ulumnamla. Ban unuwanamlaʾ adya, Wenelesilnya bemba nimi nauba orowek meewoka beibnamla,” hyok.

LUKAS 1:17 Σταυροειδείς Αναφορές

MATIUS 11:14

Anasa ugunda alak or dib senewanamna senewomun dara, Yohanes bera Elia be an lunuwoka ulumla an, al yanamokaʾ amba dara, ununumnaʾ lelemek nang edya orowek lebgogomek.

MATIUS 14:4

Wera Yohanes bedya Herodes bek men danyek lemokaʾ ara, ”Anda Herodias gera dobnenggunulam, mem!” hyok.

MATIUS 3:3

Wera ban Yohanes enyek, nekoka Yesaya bedya ununumnaʾ dib lemokaʾ ara, ”Nimi ben hnon hwalek sam ab bii aboka, Wenelesilnya bemba ugunda pika yarawoka memelelulum, alsamba pika angawoka jaklelulum, aboka lelemla,” hyok.

MATIUS 3:4

Yohanes bera alda unta pam honga akleng anyek ongolomok. Goukwa noronaʾ ara bokaʾ adya norolomok dara, denaʾ ara kweng ab bei lusa mek ab delemok.

LUKAS 1:16

Dara al adya, nim Israeli nimi nauba sikjaʾ Wenelesilnya Imik Neyung bek sam saaboka doboka bo yanasil.

LUKAS 1:76

Anya anda najab o, anak dara, Wenelesilnya bedya pika meewoka yarawalom aboka, anda men mengewanelam anasa, Imik Neyung hyak imik ululanya bedya ununumnaʾ lenya aboka si silimnenjak.

YOHANES 1:13

Dara, nimi lunuwoka beillilisakaʾ adya gom, soko nang ganya seininaʾ adya gom, nimi unuwanamna senelamla adya gom, Imik Neyung adya ok Imik Neyung mabo nenesuk.

YOHANES 1:34

Dara, ban eiyimsakanya, ban benera, Imik Neyung alja me ulumlaʾ ara alan aboka laga lelesin,” hyok.

YOHANES 3:28

Nara nimi blebsinaʾanya gomaʾ, alda pika mengelelul aboka bokol yeilinyoknya nok ulumna, ugunuk seleb wenyamsaʾ anyek, damoka kelum nim ululum.

RASUL 10:33

Wenyaboka oruganyok anasa, wera neyung anak e yagenok aboka nim orugesisa. Wera anda ganya perobnya bek adya wera seleb nak yalam. Anasa wera, nunda nidyaʾ anyagan nadya ek longomab ara Imik Neyung saramek uboka neyung Wenelesilnya adya nuk lebsilom aboka orugagelyaʾ anyek, nuk lebsimen enyek kebnob aboka longomab,” hyok.

ROMA 9:23

Onoʾ saawoka ban yokaʾ-yokaʾ ak alja angoo yadyek senenaʾ elegousununaʾ ulumla ara aljaʾ perob senenggom bonaʾ enyek alja perobaʾ senenggomaʾ amba orowek memewoka ulumla.

KOLOSE 1:12

Hnonda ban adya neyung bek, dilinaʾ pik balamak munaʾ Imik Neyung mab amba beibuknya nek dobneseng senen nang nenelesilnya benyek, ganya eiya daboka perob aboka giblemnelum.

2 TIMOTIUS 2:21

Nimi ben hnon yok-yok malya unaʾ ak, geisa nenebdanelanya bera, benyek munaʾ nenebdangoka perob wa wenaʾanya ulumnamla. Dara bera, alja neyung adya al nonga perob wa weboka un danasa, weboka doboka dibnamlakanya, alda yok-yok perob wa nidyaʾ webnunaʾ aboka, diri ulumnamla.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

1 YOHANES 2:28

Najabo yab o! Anasa wera, ugunda Kristus ab neikaʾ sobaʾ kwebdangoka ulululum. Anadya wera, asaʾ ganya boboka al yalyaʾ ak binobaʾ aboka, alya anasa lomok doknoweibyek aboka pe keeboka ulululum.

WAHYU 20:4

Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.