LUKAS 1:15 - PERJANJIAN BARU NALCA YUBA

¹⁵ Anasa alda, Wenelesilnya bedyaʾ saramek ab senenggomnya danamlakanya, yu mek gom, anggur dok mek ab dara, denggulumnamla. Anya alda anam beiblya salek ebaʾ ara moruwoka, Imik Neyung Geisinya adyok deknewoka ulumnamla.

LUKAS 1:15 Σταυροειδείς Αναφορές

LUKAS 1:14

Dara, anda perob senewoka ganya eiya dabnenggel. Anya onoʾ yok nimi nauba adyaʾ anaba, ban al beiblyaʾ amba leboka hyak perob anasa, eiya dabnesil.

LUKAS 7:28

Nara ugunuk wenyhenesin anyek beknelum, Nimi gelewa adya nidyaʾ sokok an beillilimakaʾ ulumak nim era, Yohanes bek senenggomnya ulumla sokaʾ ara, hnon mekaʾ alsonya bera hnon unggulumek. Bok, alda nim Imik Neyung wenesin heikek ara, hyak mekaʾ anyek ululanya benyek ara, Yohanes bera mek so bok, alak danyek senenggomnya bek ulumla,” hyok.

LUKAS 7:33

Dara Yohanes bera seleb yeiniboka, alda gwanenga meka lobsiniwoka ulumok dara, ugunja dara lelelumja, Alda bisaʾ wekok, wenyalalum!

YOHANES 5:35

Yohanes Pembaptis bek, alda wesaʾ yebnaʾ dibaʾ ulumok. Dara alda yeblemok salek era, li hnonok perob senelum.

RASUL 2:4

Wera dara, sikda nidyaʾ Imik Neyung ganya adya deknesuk dara, Imik Neyung Geisinya adya anyek sabnok senewoka elegesukaʾ adya, sikda yok-yok yuba nidyaʾ saro yabalamek.

GALATIA 1:15

Bok Imik Neyung alja wanaʾ uboka eleksinaʾ adya, alda men na beilinaʾ oroka wenyek weboka donyookanya, alsamba welelulaʾ aboka youbonyok.

EPESUS 5:18

Nimi ganya uu aboka serema salalesil mek era nauba den dara, nimi malya nenewoka soldelesilaʾ anasa, mek era ganya uu hesilyek aboka denggom, mem. Bok, ugunja ganya era, Imik Neyung Geisinya adya ok deknewoka bo ulusulul.